Paul Kagame yasezeranyije abanya Rutsiro ko umutungo kamere wabo ugiye kubyazwa umusaruro

Umukandida wa FPR Inkotanyi Paul Kagame mu bikorwa byo kwiyamamaza yakoreye mu karere ka Rutsiro yabasezeranyije ko ibyiza biri imbere ndetse ko umutungo kamere uri mu karere kabo ugiye gutangira kubyazwa umusaruro.

Ubwo yahageraga nyuma yo kubasuhuza no kubashimira ko baje kumwakira ari benshi nabo bamugaragarije ibyiza bamukesha byiganjemo iterambere.

Gusa yababwiye ko ibyiza kurushaho biri imbere ariko ni bahitamo neza tariki ya 4 Kanama 2017 ati:”Ibyiza biracyari imbere tuzabihitamo neza kubikomeza tariki 4 z’ukwezi kwa 8 nk’uko musanzwe muzinduka ku mirimo isanzwe n’uyu mukoro muzawuzindukire mutore FPR mutore umukandida wa FPR ni umukandida wa FPR ndetse ni n’umukandida wandi mashyaka ya politiki umunani kuko n’ubusanzwe amateka yacu mu myaka 23 ishize igihugu twacyubatse ku bufatanye bw’abanyarwanda bose n’imitwe ya politiki ifatanyije na FPR Inkotanyi ni nabyo tuzakomeza rero kuko ubufatanye ni ngombwa nibwo dushaka kubakiraho.”

Yababwiye ko urubyiruko ruzitabwaho kuko aribo mbaraga z’igihugu ati :”Abaturage b’u Rwanda urubyiruko rurenga 70 ku ijana ndanarubona hano urubyiruko rero nirwo mbaraga z’igihugu turashaka rero ko tururera neza, twurwubakira amashuri yigisha neza, turwubakira uburyo bwo kuruha ubuzima bwiza hanyuma izo mbaraga zigakomeza gukoresha kubaka igihugu cyacu.”

Paul Kagame yongeye kuvuga ko urugamba rw’iterambere ry’igihugu rutamutera ubwoba bitewe n’ubufatanye bw’abanyarwanda bwashyize imbere yababwiye ko nibakomeza gushyira hamwe ntaho batazagera bifuza.

Yabasezeranyije ko umutungo kamere uru mu karere kabo uzabyazwa umusaruro birushijeho ati :”Banya Rutsiro rero hano mu karere kanyu harimo byinshi icyambere harimo mwebwe n’ubufatanye bwanyu icya kabiri buriya harimo byinshi bifite agaciro byo gucukurwa mu butaka birakorwa ariko biziyongera kandi biziyongera bibongerera ubukungu. Mufite Ikivu n’iyi misozi iberegeye byose bishobora kutugeza ku bukerarugendo buduha inyungu.”

Yababwiye ko demokarasi ibereye abanyarwanda ari iyo bahisemo aranayibasibanurira ati :”Iyo demokarasi rero muvuga uko tuyumva ubundi iyacu ikwiye kuba isa n’iy’ahandi ni uko babyirengagiza ni demokarasi ituma abantu bihitiramo icyo bashaka ubumwe gushyira hamwe ni demokarasi, umutekano ni demokarasi, abantu cyane cyane abayobozi kubazwa ibyo bashinzwe kubikora neza ni demokarasi.”

Yakomeje agira ati :”Uko muri hano mwishimiye aho muva n’aho mujya mwishimiye ibikorwa bibageza ku majyambere ni demokarasi banya Rutsiro rero iyo niyo nzira turimo niyo nzira twifuza kandi ibyiza biracyari imbere rero twifuze kongera vitese.”



Abanyamuryango ba FPR Inkotanyi I Rutsiro baje kwakira umukandida wayo Paul Kagame wanabasezenyije guteza imbere aka karere

Yisangize Inshuti.

Ibitekerezo

Tanga Igitekerezo