Kurikirana uko amatora ya Perezida ari kugenda mu gihugu hose

1

Perezida wa Sena y’u Rwanda Makuza Bernard arasuhuza abo yasanze kuri site y’itora

Kuri uyu wa gatanu tariki ya 4/7/2017 nibwo abanyarwanda batuye mu gihugu imbere bazindukiye mu matora yo guhitamo uzayobora u Rwanda kugeza mu mwaka wa 2024.


Paul Kagame, umukandida wa FPR- Inkotanyi aherekejwe n’umufasha we Jeannette Kagame batoreye muri APE Rugunga


Umukandida ku mwanya wa Perezida Dr Frank Habineza amaze gutora
aganira n’itangazamakuru


Habineza yazanye n’umufasha we

Umukandida ku mwanya wa Perezida Dr Frank Habineza watanzwe n’ishyaka Riharanira Demukarasi no kurengera ibidukikije mu Rwanda yatoreye Kimironko, kuri site yo kuri G.S Kimironko mu Kagari ka Bibare mu murenge wa Kimironko mu karere ka Gasabo.

Yavuze ko yohereje indorerezi 500 ku ma site atandukanye mu gihugu akavuga ko Komisiyo y’amatora yakoze akazi kayo neza mu bihe byo kwiyamamaza nubwo habayeho imbogamizi mu gutangira.

Yavuze ko hari indorerezi ze zabanje kubangamirwa bazibuza gukora akazi kazo gusa ngo yahise avugana na Perezida wa Komisiyo y’amatora akaba yizeye ko ibyo bibazo bitaza gukomeza.

Ati: "Turabona birimo kugenda neza n’ahari ibibazo twavuganye na Komisiyo y’igihugu y’amatora, twagize ibibazo twohereje indorerezi zacu nk’ishyaka zigera kuri 500, hari ahantu henshi zageze bazibuza kwinjira ngo zikore akazi kazo, ari hano muri Nyarugenge, gasabo, Kayonza, Nyaruguru na Musanze twumvise ko hari ibibazo bitandukanye ariko turimo kuvugana n’umuyobozi mukuru wa Komisiyo y’amatora arimo kubidufashamo kugirango bikemuke, birimo kugenda bikemuka."

.....Twateganyije nibura indorerezi eshatu kuri buri site, turizera ko bari bugerageze kugera mu gihugu hose ariko ntabwo byoroshye!"

Yavuze kandi ko aya matora asobanuye byinshi ku nzira ya Demukarasi mu rwanda kuko ari bwo bwa mbere ishyaka rye Riharanira Demukarasi no Kurengera ibidukikije mu Rwanda rihawe umwanya wo kwiyamamaza.

"Nibwo bwa mbere ishyaka ritavuga rumwe na Leta rigize umukandida, ni intambwe ikomeye cyane kuri Demukarasi y’u Rwanda no kugihugu cy’u Rwanda ariko no ku ishyaka ryacu ni intambwe ikomeye cyane!"

Yabwiye abanyarwanda ko kumutora ari uguhitamo neza. Ati: "Gutora Frank Habineza ni ukwiteganyiriza, ni uguhitamo amajyambere arambye, ni ugihitamo umutekano urambye, ni uguhitamo ibyiza byose by’u Rwanda."


Umuyobozi wa Sena y’u Rwanda Makuza Bernard (wambaye ishati y’utuzu) ari mu bayobozi bakuru b’igihugu batoye mbere bazindutse aha yari yaje gutorere mu kagari ka Gacuriro umurenge wa Kinyinya akarere ka Gasabo


Ubwo Sam Rugege yashyiraga ahabugenewe ijwi ry’uwo yatoye

Amaze gutora Prof Sam Rugege umuyobozi w’urukiko rw’ikirenga yagize ati" abanyarwanda bagomba kwihitiramo ababayobora kandi bagafatanya mu byiza babagezaho.

....Amatora agomba kuba muri demokarasi abanyarwanda bakihitaramo ubayobora kandi abanyarwanda bamaze gusobanukirwa ko bagomba gufatanya n’abayobozi mu byiza babagezeho. Amatora agomba kuba neza nta ntugunda kandi abanyarwanda barabizi amateka yacu yadusigiye isomo."


Prof. Sam Rugege umuyobozi w’urukiko rw’ikirenga aje gutora ari kumwe nuwahoze aro min.w’ubuzima Agnes Binagwaho


Minisitiri w’Intebe Anastase Murekezi, yatoreye i Remera kuri Petit Stade


Mukabarisa Donatille, umuyobozi w’Inteko ishinga amategeko yatoreye Gacuriro.


Dr Vicent Biruta, uhagarariye ishyaka PSD ryashyigikiye Kagame na we yamaze gutorera Murenge wa Kimironko mu Kagari ka Kibagabaga


Musabyimana Jean Claude, Guverineri w’Intara y’Amajyaruguru na we amaze gutora.


Kazayire Judith, Guverineri w’Intara y’Iburasirazuba yatoreye mu Murenge wa Kigabiro mu Karere ka Rwamagana.


Rucagu Bonoface uyobora Komisiyo y’igihugu y’Itorero nyuma yo gutora


Amatora hari aho yateguwe nk’ubukwe. Aha ni mu Murenge wa Muhoza mu karere ka Musanze kuri ESA Musanze


Joseph Dusabimana, Indorerezi yoherejwe i Musanze n’ishyaka Riharanira demukarasi no Kurengera Ibidukikije mu Rwanda.

Mu murenge wa Nyange kuri site y’ikigo cy’amashuri mu karere ka Musanze umunyamakuru wacu uhari yasanze abaturage bahazindukiye guhera saa cyenda abandi saa kumi z’igitondo.

Umunyamakuru wacu avuga ko bamwe bahise bitahira basanze amatora aza gutangira saa saa moya ariko abandi barahaguma kugeza zigeze baratora.

Kuri iyi site abantu bazindutse cyane kandi gutora biri kwihuta kuburyo ubu abantu batangiye kugabanuka kuri site.

Abakarani b’itora babanje gususzuma ibikoresho hanyuma amatora aratangira

Yisangize Inshuti.

Ibitekerezo 1

  1. Andika Igitekerezo Hano Biradushimishije bimwe byintangarugero yoba byoje biragenda gucyo ibihe byose murakoze Imana ibandindire,

Tanga Igitekerezo