Kwamamaza

IKORANABUHANGA

Zimwe mu nshingano zakorwaga na RDB mu ikoranabuhanga zeguriwe RISA

Yanditswe

kuya

na

Jean Paul Niyitanga
Zimwe mu nshingano zakorwaga na RDB mu ikoranabuhanga zeguriwe RISA

Clare Akamanzi na Innocent Muhizi bahererekanya ububasha.

Zimwe mu nshingano zifitanye zirebana n’ikoranabuhanga zabarizwaga mu Kigo cy’Igihugu cy’Iterambere (RDB) zajyanwe mu kigo cy’Igihugu cy’Ikoranabuhanga (RISA) mu rwego rwo guteza imbereimikoreshereze y’ikoranabuhanga mu Rwanda.

Umuhango wo guhererekanya ububasha wabereye i Kigali kuri uyu wa 13 Nyakanga 2017, aho inshingano zijyanye no gukurikirana imikoreshereze y’ikoranabuhanga mu buzima bwa buri munsi bw’abanyarwanda mu nzego zitandukanye zeguriwe ikigo cy’igihugu cy’ikoranabuhanga RISA.

Umuyobozi w’Ikigo cy’Igihugu cy’Iterambere RDB, Clare Akamanzi asobanura impamvu zo gutanga izi nshingano, yavuze ko urwego rw’ikoranabuhanga ari runini cyane ku buryo rudakwiye gukomeza kubarizwa mu kindi kigo.

Gusa asobanura ko hari inshingano zizaguma muri RDB cyane cyane izijyanye no guteza imbere ishoramari mu ikoranabuhanga.

Ati: "Twari dufite impande ebyiri z’akazi twakoraga mu guteza imbere ikoranabuhanga, uruhande rwa mbere rwari uguteza imbere ishoramari mu ikoranabuhanga no guteza imbere icuruzwa ry’ibikoresho by’ikokoranabuhanga mu mahanga, uru ruhande ruzaguma muri RDB, tuzakomeza dushake abashoramari mu ikoranabuhanga, tuzakomeza tunarebe uburyo u Rwanda rwakomeza gucuruza serivise z’ikoranabuhanga hanze y’igihugu kuko dufite intego yo kongera ibyo ducuruza hanze y’igihugu biturutse muri ICT kandi iyo ntego irakomeza."

Agaruka ku nshingano zeguriwe ikigo cy’igihugu cy’Ikoranabuhanga(RISA) Akamanzi yagize ati: "Kongera uburyo serivise z’ikoranabuhanga zikoreshwa mu banyarwanda, yaba mu buzima, mu burezi, mu gusaba serivise,...harimo no kuzana ikoranabuhanga rishya kuko u Rwanda rufite intego yo kuba mu bihugu bikoresha ikoranabuhangamu byo dukora buri munsi tukagabanya ibyo dukoresha impapuro, ibi bizakorwa na RISA."

Umuyobozi wa RISA, Muhizi Innocent yavuze ko RISA yiteguye neza gutangira inshingano yeguriwe kuko bazanakomeza gukorana bya hafi na RDB bagakomeza kuzuzanya mu guteza imbere ikoranabuhanga.

Ati: "Turabyiteguye kandi neza, impamvu ni uko hari aho twubakira, hari ibyo RDB yari yarakoze, hari umusingi yashyizeho, uwo nguwo ni wo turi bukomerezeho."

Muhizi avuga ko bafite inshingano zo kuzamura zimwe muri gahunda zo guteza imbere ikoranabuhanga no kongera ibikorwa remezo by’ikoranabuhanga bikiri bike nka kamera zicunga umutekano (CCTV) n’umuyoboro mugari wa interineti ku buryo umunyarwanda wese azoroherwa no gukoresha interineti.

Avuga kandi ko bazakomeza kunoza umutekano w’ikoranabuhanga mu kurwanya ibyaha bikoreshwa ikoranabuhanga ndetse mu koroshya uburyo bwo gusaba serivise hakoreshejwe ikoranabuhanga bakazajya banakorana n’abashinzwe ikoranabuhanga mu bindi bigo bitanga serivise.

Leta yafashe icyemezo cyo gushyiraho RISA nyuma yo kubona ko inshingano zo guteza imbere ikoranabuhanga ari nyinshi ku buryo zisaba gushyirirwaho ikigo kizishinzwe by’umwihariko kugirango u Rwanda rukomeze kuba ku isonga mu guteza imbere ikoranabuhanga.

Clare Akamanzi na Innocent Muhizi nyuma yo guhererekanya ububasha


Clare Akamanzi mu kiganiro n’abanyamakuru


Muhizi Innocent yavuze ko yiteguye gukora neza inshingano yeguriwe.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza