Kwamamaza

UBUREZI

Abajyanama b’uburezi no kuzamura imibereho ya mwarimu, zimwe mu ngamba zo kunoza imyigire n’ireme ry’uburezi

Yanditswe

kuya

na

Jean Paul Niyitanga
Abajyanama b’uburezi no kuzamura imibereho ya mwarimu, zimwe mu ngamba zo  kunoza imyigire n’ireme ry’uburezi

Mu rwego rwo kwita ku burezi bufite ireme kandi bugera kuri bose. Minisitiri w’intebe yabwiye abagize inteko inshinga amategeko ko mu bizakorwa hazashyirwaho abajyanama b’uburezi bitezweho guhangana n’ikibazo cy’abana bata amashuri.

Ibi Minisitiri w’intebe Dr Edouard Ngirente yabitangarije abagize inteko ishinga amatego kuri uyu wa 26 Nzeri 2017, ubwo yabagezagaho gahunda ya guverinoma mu myaka irindwi iri imbere (2017-2024).

Uburezi nk’imwe mu nkingi zikomeye z’imibereho myiza y’abaturage, Minisitiri w’intebe yavuze ko buzitabwaho.

Amashuri y’incuke azitabwaho

Abanyarwanda bajya bavuga ko umwana apfa mu uterura, bisobanuye ko unashaka kumurera neza ushyira imbaraga mu burezi ahabwa akiri incuke agakurira mu murongo mwiza.

Iyo witegereje neza ubumenyi bw’abana batangira amashuri abanza batarize amashuri y’incuke n’abayize usanga harimo ikinyuranyo kinini cyane. Abatarakandagiye mu mashuri y’incuke usanga bari inyuma cyane y’abayizemo.

Mu rwego rero rwo kunoza imyigire y’abana bose, Minisitiri w’intebe yavuze ko mu myaka irindwi iri imbere hazongerwa imbaraga mu mashuri y’incuke kuburyo umubare wabo uzazamuka ukagera kuri 45% uvuye kuri 17,5%.

Ireme ry’uburezi rizashakirwa mu nguni zose

Mu Rwanda ikibazo cy’uburezi budafite ireme kimaze iminsi kiganirwaho n’inzego zitandukanye zirimo izishinzwe uburezi, intumwa za rubanda, abihaye Imana, n’inzego bwite za Leta.

Mu minsi ishize Minisiteri y’uburezi yakoze amagenzura muri za Kaminuza zigenga bituma inyinshi zifungwa kubera kutuzuza ibisabwa ngo zitange uburezi bufite ireme ryifuzwa mu Rwanda.

Aya magenzura Minisiteri y’uburezi iherutse gutangaza ko agiye no gukomereza mu mashuri yisumbuye.

Gusa Minisitiri w’intebe yavuze ko ireme ry’uburezi rizitabwaho mu byiciro byose by’amashuri gifashishijwe abantu bose bagira uruhare mu burezi.

Ati:" Ababyeyi bazashishikarizwa kurushaho kugira uruhare mu
myigire myiza y’abana babo; hazongerwa umubare w’abarimu babifitiye ubushobozi; tuzazamura ubushobozi n’imibereho myiza ya mwarimu.
"

Ibi ngo bizajyana no Kuvugurura no kongera ibyumba by’amashuri no kubigezamo
ibikorwaremezo bya ngombwa; no kunoza ikoreshwa ry’ikonabuhanga mu mashuri ndetse no gushaka imfashanyigisho zijyanye n’igihe kandi abafite ubumuga butandukanye bazafashwa gutangira no gukomeza amashuri yo mu byiciro byose by’uburezi.

60% by’abanyeshuri bose baziga imyuga n’ubumenyingiro (TVET)

Bimaze kugaragara ko ubumenyi bw’imyuga bufasha ababufite kwihangira imirimo bakabasha kwikura mu bushomeri kuri ubu bwugarije benshi.

Minisitiri w’intebe yavuze ko umubare w’abayigamo uzagera kuri 60%
y’abanyeshuri bose barangije icyiciro rusange uvuye kuri 46,4%.

Icyakora Minisitiri w’Intebe yavuze ko amasomo ya siyansi,
ikoranabuhanga, Engineering n’imibare (STEM) azarushaho kwitabwaho ku buryo umubare w’abanyeshuri biga amasomo ya siyansi mu
mashuri makuru ya Leta bazagera kuri 80% bavuye kuri 44%
bo muri 2016.

Abajyanama b’uburezi m’utugari

Mu ngamba zo gushishikariza abana kudata amashuri harimo gushyira muri buri Kagari Abajyanama b’uburezi no kunoza imicungire y’amashuri. Ababyeyi na bo bazakomeza gushishikarizwa kwita k’uburere bw’abana babo. Ibi ngo byitezweho kuzamura umubare w’abimukira mu mashuri yisumbuye ukazagera kuri
92,4% uvuye kuri 71,1%.

Gahunda isa n’iyi yifashishijwe mu rwego rw’ubuzima aho abajyanama b’ubuzima bafashije abanyarwanda kubona ubuvuzi ku buryo bwihuse kandi buboroheye.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza