Kwamamaza

UBUZIMA

Abakozi ba LONI mu Rwanda bizihije isabukuru batanga amaraso

Yanditswe

kuya

na

Alexis Musabirema
Abakozi ba LONI mu Rwanda  bizihije isabukuru batanga amaraso

Abakozi b’impuzamiryango y’umuryango w’abibumbye mu Rwanda bizihije isabukuru ya LONI batanga amaraso mu rwego rwo gufasha imbabare ziyakenera ziri hirya no hino mu bitaro byo mu Rwanda.

Uyu munsi tariki ya 24 Ukwakira 2017 nibwo umuryango w’abibumbye LONI yizihije isabukuru y’imyaka 72 ibayeho kuko yashinzwe tariki ya 24 Ukwakira 1945.

Abakozi b’impuzamiryango yawo mu Rwanda (one UN) nabo bizihije iyi sabukuru, umuhuzabikorwa wayo mu Rwanda Fode Ndiaye avuga ko muri iki cyumweru bagiye kumara bizihiza iyi sabukuru bazakoramo ibikorwa bitandukanye.

Kimwe muri byo ni icyo batangiranye cyo gutanga amaraso, ni igikorwa cyakorewe mu nyubako ikorerwamo n’iyi mpuzamiryango gikorwa n’abakozi bayo n’abandi.

Ndiaye avuga ko iki ari igikorwa cy’ingenzi kandi ko bagiteguye kugirango bafashe indembe ziyakeneye hirya no hino mu bitaro.

Ati :”Murabizi uyu ni umunsi w’isabukuru y’umuryango w’abibumbye, muri iki cyumweru turashaka kwishimira iyi sabukuru dukora ibikobwa bitandukanye birimo iki cyo gutanga amaraso. Ni igikorwa cyiza kuko iyo utanze amaraso uba urokoye umuntu umwe cyangwa babiri. Hari abantu benshi bakenera amaraso, abarwayi barembye, abakoze impanuka, ababazwe kubera impamvu zitandukanye kandi uyu muntu iyo utanze amaraso ejo hari igihe ari wowe uyakenera ndahamagarira buri muntu wese gushyigikira iki gikorwa .”


Fode Ndiaye umuhuzabikorwa wa ONE UN mu Rwanda

Ndiaye yavuze ko muri iki cyumweru cyo kwishimira isabukuru y’umuryango wabibumbye batazakora iki gikorwa cyo gutanga amaraso gusa kuko bateganya n’ibindi bikorwa birimo umuganda bazakora ku wa gatandatu mu mujyi wa Kigali.

Avuga ko uyu muganda ari uwo kwita kubidukikije mu rwego rwo kurushaho guhangana n’ingaruka z’imihindagurikire y’ikirere.

Mukamazimpaka Alexie, umukozi w’ikigo cy’igihugu cyo gutanga amaraso akanayobora ishami rya Kigali avuga ko iki gikorwa cya one UN ari ingenzi kuko uretse kubaha umusaruro w’amaraso ngo kinabafasha mu bukangurambaga.

Ati : ”Iki gikorwa twakoreye hano ni igikorwa cyiza cyane kuko abakora hano ari bo bayobozi b’umuryango mpuzamhanga bakoze ikintu cyiza cyana cyo kugira ubukangurambaga mu gikorwa cyo gutanga amaraso, ni ikintu cyiza cyane kandi turabashimira ko muri iki cyumweru bashyizemo n’iki gikorwa, hari umusaruro w’amaraso turi butahane ariko harimo n’ubukangurambaga badukoreye.”


Mukamazimpaka Alexie umukozi w’ikigo cy’igihugu cyo gutanga amaraso akanayobora ishami rya Kigali

Avuga ko mu Rwanda bakenera amaraso bitewe n’umubare w’abarwayi bayakeneye kuko bihindagurika bitewe n’abarwayi gusa ngo kugeza ubu bageze kuri 96 ku ijana(96%) byo kwihaza mu maraso.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza