Kwamamaza

UBUZIMA

Abanya-Kigali bakanguriwe kurya amababi y’ibijumba ngo batagwingira

Yanditswe

kuya

na

Alexis Musabirema
Abanya-Kigali  bakanguriwe kurya amababi y’ibijumba ngo batagwingira

Abanaya-Kigali bahawe imbuto y’ubwoko bushya bw’ibijumba biterwa mu karima k’igikoni imigozi yabyo ikaribwa mu mwanya wo kurya imboga rwatsi zisanzwe mu rwego rwo kurwanya inagaruka z’imirire mibi.

Iyi migozi yatangiwe mu murenge wa Mageragere, mu karere ka Nyarugenge mu mujyi wa Kigal kuri uyu wa gatatu tariki ya 29 Ugushyingo 2017, ari nabwo hanatangijwe ubukangurambaga bwo kurwanya imirire mibi.

Abaturage batuye uyu Murenge bongeye gukangurirwa gukora uturima tw’igikoni bagateramo imboga, icyatunguye benshi mu baturage kuri uyu munsi ariko ni imigozi y’ibijumba bahawe ngo bayitere mu turima tw’igikoni bakabwirwa ko bazajya barya imigozi yayo nkuko barya imboga.

Umwe mu bayozi ba CIP, umushinga wazanye iyi migozi yavuze ko bigoye kumvisha abanyarwanda ko bakwiye kurya imigozi y’ibijumba ariko ngo bazagerageza kubibumvisha.

Ati: ”iki si ikintu abantu bari bamenyereye ko imigozi y’ibijumba abantu bayishyira mu karima k’igikoni, iyi migozi y’ibijumba ariya mababi yayo araribwa nk’imboga kandi agira intungamubiri nyinshi cyane, turasaba abahizi kuyihinga kuko irabafasha nk’imboga.

Ni imboga rwose ziryoha cyane, turabizi ko bigoye kugirango abanyarwanda barye imigozi y’ibijumba ariko kandi tugomba gukora ubukangurambaga bakabimenyera.”


Abakozi ba CIP bereka Visi Meya w’Umujyi aya mababi y’ibijumba aribwa nk’imboga

Uyu mushinga uvuga ko iyi migozi ikungahaye kuri vitamin A, gusa ntibimenyerewe ko mu Rwanda abantu barya imigozi y’ibijumba kuko ubundi bimenyerewe ko imigozi ari ibihingwa abantu bakarya ibijumba byezeho.

Muhongerwa Patricie, Umuyobozi w’Umujyi wa Kigali wungirije ushinzwe imibereho myiza y’abaturage, avuga ko iyi mbuto izagezwa mu baturage bose uko izagenda ihigwa.

Ati:”Iriya mbuto si nyinshi muri Kigali, no ku Isoko usanga ihenda, batuzaniye ikamyo yuzuye imbuto turayiha abaturage abandi bashaka kubihinga imbuto bazayikura hano.”

Iyi migozi y’ibijumba ntiribwa nk’imboga gusa kuko n’ibijumba biyeraho ngo biraribwa ndetse ngo binakungahaye kuri vitamin A na B.

Umurenge wa Mageregere wabereyemo iki gikorwa kuwuhitamo ntibyabaye kuri tombora kuko ufite abanta bafite imirire mibi ndetse hakaba hari abana 28 bari kwitabwaho mu buryo budasanzwe kugirango bakire ingaruka z’imirire mibi zibugarije.

Ubu mu Rwanda ubugwingire buri ku kigereranyo cya 38% ku rwego rw’igihugu mu gihe mu mujyi wa Kigali buri ku kigero cya 23%.

Ubuyobozi bw’umujyi wa Kigali buvuga ko iki gikorwa kizakomereza mu turere twa Kicukiro na Gasabo ngo bikwire mu mujyi hose.

IBITEKEREZO

  • ngaho Yanditse:

    ni murye rwose mushishikare ...

  • schadrack Yanditse:

    imigozi yibijumba iraribwa cyane njye namenye ubwenge mbona iwacu bayiteka bayivanze nizindi mboga.mugace kegereye umupaka na Congo.mwisoko ibukavu imigozi usanga bayicuruza nkuko bacuruza dodo.iyo migozi iwacu bayita.(senga)

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza