Nta Munyarwanda wivuza imitekerereze n’ubwo ari indwara yavamo n’urupfu

1

Inzobere mu by’imitekerereze ziremeza ko ibyaha by’ubwicanyi bwa hato na hato no kwiyahura byumvikana hirya no hino mu Rwanda bifite umuzi mu mateka igihugu cy’u Rwanda cyanyuzemo.

Abahanga mu by’imitekerereze bashinze amavuriro yigenga atanga inama mu mitekerereze bemeza ko abanyarwanda batari bumva neza ko bakeneye kwivuza mu gihe biyumvamo impinduka mu myitwarire.

Mu nama mpuzamahanga iherutse kubera mu Rwanda ihuje inzobere mu mitekerereze n’imyitwarire ya muntu Prof Sezibera Vincent ukuriye ishyirahamwe ry’inzobere mu mitekerereze; cyane cyane ko ngo Genocide yakorewe abatutsi mu rwanda ituma hari imyitwarire abanyarwanda bagira bihariye. Ngo aya mateka ni n’umuzi w’ibyaha byiganje mu Rwanda birimo n’ubwicanyi.

Prof Sezibera yagize ati” Iyo urebye ibyaha tujya twumva mu itangazamakuru ngo umugabo yishe umugore we cyangwa se ngo umugore yishe umugabo cyangwa se ukumva ngo umubyeyi yihekuye; usanga ari ingaruka z’ibindi bibazo abo bantu baba bamaranye igihe.”

Prof Sezibera yanongeyeho ko uretse abishora mu byaha birimo n’ubu bwicanyi ngo hari n’abandi bahitamo kwiyahuza ibiyobyabwenge.

Abiga ubuvuzi bw’imitekerereze Clinical Psycology muri kaminuza hari ubwo bumvikanaga bavuga ko batabona imirimo. Muri aba hari bamwe bahisemo kwishingira inzu zivura abafite ibibazo by’imitekerereze gusa ngo abanyarwanda ntibarumva ibi bibazo nk’uburwayi.

Rugira Jerome ukuriye ivuriro ryitwa Icyomoro Clinical Psycology yagize ati “ Bake baragenda babyumva ariko siko bose bagana abaganga. Iyo abo bake baje baraza tukabafasha kandi bagera aho bakabohoka bakabasha kwirekura bakatubwira uko biyumva natwe tukabafasha. Gusa umubare munini w’abanyarwanda ntabwo urumva koi bi ari uburwayi bwashakirwa Muganga”.

Abavuzi b’imitekerereze n’imyitwarire bya muntu ba mbere barangije muri Kaminuza y’u Rwanda mu mwaka w’2003. Ubu ishyirahamwe ryabo rimaze imyaka 2 ririmo abasaga 400.

Yisangize Inshuti.

Ibitekerezo 1

Tanga Igitekerezo