FERWAFA mu ikorosi ry’urusobe rw’ibibazo! Amezi ane y’ubuyobozi bwa FERWAFA , amarenga y’ishusho y’icyerekezo cy’imyaka ine cya Ruhago y’u Rwanda

1

Nyuma y’amezi agera kuri ane Ubuyobozi bw’Ishyirahamwe ry’Umupira w’amakuru bugiyeho, hagiye hagaragara byinshi byatinzweho bikanakurura impaka no guhangana, ariko ugasanga bitari mu murongo wo guteza ruhago nyarwanda imbere, ahubwo ari ibibazo n’ibihano bya hato na hato. ubucukumbuzi bw’icyerekezo cy’umupira muri iyi manda nshya y’iyi Komite iyobowe na Bwana NZAMWITA De Gaule, ndetse n’ibibazo byagiye bigarukwaho.

Mu gice cya mbere turarebera hamwe ibirebana n’ubuyobozi bwa FERWAFA, n’itangwa rw’imyanya.

Ku ikubitiro, mbere gato y’Inteko rusange ya FERWAFA havuzwe byinshi ndetse binugwanugwa ko Nzamwita De Gaule y’uko azegukana Intebe ya FERWAFA, nubwo me atahabwaga amahirwe ugereranyije na bagenzi biyamamazaga wasangaga bazwi cyane mupira w’amaguru banawufitemo ubumenyi, yewe banashyize imbaraga mu kwiyamamaza ugeranyije na De Gaule, dore ko we atigeze na rimwe agaragara mu kwiyamamaza mu bitangazamakuru na handi hose. Amakuru akavuga ko yaba yarahisemo kwinyurira iyabugufi mu makipe yo mu kiciro cya kabiri, akarangiza amatora mbere y’igihe .

NZAMWITA Vincent de Gaule: Umuyobozi wa FERWAFA

DeGaule wiyamazanyaga nabandi Kandida bazwi nka NTAGUNGIRA Celestin Abega, Jean MBANDA n’abandi. Nzamwita Vincent Degaule wiyamabaje ku itike y’ikipe y’Intare FC yabonye amajwi 19, naho Ntagungira Célestin Abega (Rayon Sports) yagize amajwi 13, Munyandamutsa Augustin (SEC) agira amajwi 3, Mbanda Jean (Unity) yagize ijwi rimwe na Raoul Gisanura yagize ijwi 1.

Gaule yagiye ashinjwa kuba yaranyuze mu makipe yo mu cyiciro cya kabiri, n’ndi yo mu cyiciro cya mbere bityo akabasha gutambuka, nubwo bitashyizwe ahagaragara kubera iyo uvuze ruswa uba ugomba kugaraza ibimenyetso, nubwo bitagaragajwe ku mugaragaro amatora atanyuze mu mucyo ni yo yagejeje Degaule ku buyobozi.

Nyamara impinduka zitezwe ku buyobozi bushya zatangiranye n’ihangana, kutumvikana, bombori bombori za buri munsi, ikibazo cy’imisifurire, guhangana kwa FERWAFA na bamwe mu banyamaryango, ihangana mu itangazamakuru

1. Ibyemezo byihuse bya Degaule mu kwitura ineza abamugejeje ku buyobozi

Ukwezi kumwe Komite nshya igeze ku buyobozi, hafashwe icyemezo cyo kujya baha amafranga ibihumbi mirongo inani (80,000) ku ikipe yo mu cyiciro cya kabiri yasuye n’ibihumbi mirongo itanu (50,000 Frws) ku ikipe yakiriye.

Nubwo iki cyemezo umuntu atavuga ko ari kibi ariko cyibajijweho, uburyo ari cyo kintu ubuyobozi bwihutiye gushyirwaho mu byihutirwa, mu gihe ubu buyobozi bwa FERWAFA bwugarijwe n’imyenda y’agahishyi.

Kugeza ubu bivugwa ko FERWAFA ifitiye CAF umwenda w’amadollar ibihumbi 250,000 $, ndetse na Miliyoni zisaga 15 ifitiye ikigigo kigihugu gishinzwe imisoro n’ amahoro (Rwanda Revenue Authority), tutibagiwe n’ibirarane by’abasifuzi bihora bivugwa, ari nayo ntandaro ya ruswa ihora ikemangwa mu basifuzi. Ibi kandi byaje gushimangirwa n’uwahoze ari Umunyamabanga wa FERWAFA GASINGWA Michel ubwo yaganiraga n’ikinyamakuru Izuba rirashe

Ibi bigaragaza ko hari icyihishe inyuma mu kwihutira gushyiraho ibindi bitwara amafaranga , utabanje gushyiraho gahunda y’uburyo bwo gusohoka mu bibazo usanze by’amikoro n’imyenda.

2. Ipiganwa ku mwanya w’Umunyamabanga, kandi umwanya waramazwe kwizezwa MULINDAHABI Olivier

Nyuma yaho uwari umunyamabanga wa FERWAFA, GASINGWA Michel ndetse wari umenyereye umupira w’amaguru n’ubunararibonye, amasezerano ye asheshwe, uwitwa MULINDAHABI Olivier yatangarije ikinyamakuru Izuba rirashe cyo kuwa 21 /01/2014

, ko yabisabwe na Nzabamwita Vincent Degaule, Umuyobozi wa Ferwafa kuzamubera umunyamabanga Mukuru wa FERWAFA, nyamara icyo gihe, Umwanya n’ibisabwa byari bitarashyirwa ku isoko, ndetse na GASINGWA Michel amasezerano ye agifite agaciro, ni nyuma y’iminsi 15 Degaule atorewe kuba Umuyobozi wa FERWAFA, gusa mbere akaba yari yatangaje ko abakozi bagifite amazerano bazabireba bakaba bakomezanya.

MULINDAHABI Olivier wagizwe Umunyamabanga wa FERWAFA

Icyaje gutangaza ni uko mu minsi mike FERWAFA yasohoye itangazo rihamagarira kupiganira umwanya, wamaze kwizwezwa undi MULINDAHABI Olivier wari usanzwe ari umunyamabanga mukuru w’ ikipe ya Mukura victory Sport.

Inkuru yaje kuba impamo ubwo tariki ya 17/03/2014, Kayiranga Vedaste yaje gutangaza ko MULINDAHABI Olivier yahize abandi n’amanota 91% ahigitse Olivier GAKWAYA wagize 63,25% mu gihe Karuhije Innoncent yagize amanota 43,75% mu bizami byatanzwe na Ferwafa.

Ibi byaje gukurura umwuka utari mwiza aho abatsinzwe bavuze ko bamenyeshejwe ko bazahabwa yo kubazwa (oral test) bagatungurwa no kongerwaho ikizami cyanditse batari babizi, nyamara Olivier MULINDAHABI we yaraje abyiteguye afite na notes asoma. Izi mpaka zakomeje kunyuranamo mu bitangazamakuru zanaviriyemo bamwe mu banyamakuru guhagarikwa nkuko tuzabigarukaho mu gice cya3.

3 Gomez Da Rosa kwizezwa gutoza Amavubi, mbere y’uko ava muri Rayon Sports FC

Nyuma yaho umutoza Didier Gomez asezereye muri Rayon Sports agiye gutoza mu gihugu cya Kameruni, ibyavuzwe kuri dossier ya MULINDAHABI Olivier ryo gusezeranywa umwanya mbere y’ipiganwa, byagarutsweho na Didier Gomez Da Rosa watangarije Radio Salus mu kiganiro Salus Sports ko mbere y’uko agenda yagiranye ibiganiro na Perezida wa FERWAFA amusezeranya kuba yamufasha gutoza ikipe y’ igihugu Amavubi.

Didier Gomez da Rosa: uyu mugabo ngo mbere y’ uko ava mu Rwanda yijejwe kuzatoza amavubi

Ibi bikaba bica amarenga y’imitangire y’imyanya mu buyobozi bwa ruhago no mu batoza biba bishingira ku bushobozi cyangwa ku kuba wahabwa umwanya n’Umuyobozi wa Federation.

Mu gice cya kabiri , tuzabagezaho ibirebana n’ibibazo bya Transfer n’ihangana ryaranze amezi ryigaragaje cyane mu gihe gito Ubuyobozi bwa Ruhago nyarwanda bumaze bugiyeho.

Usenga Lambert

Yisangize Inshuti.

Ibitekerezo 1

Tanga Igitekerezo