Abanyarwanda bazakina Tour du Rwanda bahawe impamba na Guv Gatabazi

Umuyobozi w’intara y’amajyaruguru Gatabazi Jean Marie Vianney yahaye impamba y’impanuro abakinnyi babanyarwanda bazakina tour du Rwanda guhera ku cyumweru.

Ejo kuwa kane tariki ya 9/11/2017 nibwo Guverineri Gatabazi Jean Marie Vianney yasuye aba basore bitegura guserukira u Rwanda mu isiganwa mpuzamahanga rizenguruka igihugu ku magare.

Mu mpamba y’ubutumwa Guverineri Gatabazi yahaye aba basore yabasabye kuzarangwa n’umutima ukunda igihugu no kugira intego zihanitse.

Ati :”nishimiye guhura namwe mbere y’uko muva mu majyaruguru y’u Rwanda mujya gutangira tour du Rwanda muzarangwe no gukunda igihugu, ikinyabupfura no kugira intego zihanitse iteke mujye mutekereza kucyo mugamije kandi mukorera hamwe mbijeje inkunga yange ndashimira Bayinga(Aimable) n’itsinda ry’abatoza.”

Kuri uyu wa gatanu mu ma saa tatu nibwo aba bakinnyi bamanutse bava I Musanze baje I kigali gutangira gukina iri siganwa rizatangira ku cyumweru tariki ya 12/11/2017.

Yisangize Inshuti.

Ibitekerezo

Tanga Igitekerezo