Hategekimana Bonaventure wamenyekanye nka Gangi yitabye Imana

Umukinnyi wamenyekanye cyane mu mupira w’amaguru mu Rwanda Hategekimana Bonaventure benshi bazi kuri Gangi yitabye Imana azize uburwayi yari amaranye iminsi.

Ahagana saa munani z’ijoro ryo kuri uyu 14 rishyira kuwa 15 nibwo Gangi yitabye Imana nyuma y’igihe kirekire yari amaze arwaye.

Hategekimana yapfiriye mu bitaro bya Kabutare biherereye mu Karere ka Huye mu majyepfo y’u Rwanda.

Gangi yari amaze iminsi arwaye ndetse kuva muri Gashyantare uyu mwaka yari yarahagaritse gukina umupira nyuma yo gufatwa uburwayi bw’ikibyimba ku ijosi.

Uretse kuba Gangi yarakiniye ikipe y’igihugu Amavubi, yanakiniye amakipe akomeye arimo nka APR FC, Rayon Sports, Police FC, Kiyovu Sports, Mukura VS, Espoir, Marines, Etincelles, AS Muhanga na Musanze.

Iyi nkuru yumvikanye mu gihe nubundi abanyarwanda bari mu kababaro nyuma y’urupfu rwatunguranye rugatwara Ndikumana Hamad Katauti wari umutoza wungirije wa Rayon Sports.

Yisangize Inshuti.

Ibitekerezo

Tanga Igitekerezo