Nyuma y’umukino we wa mbere muri Simba, Haruna yagize icyo avuga kuri Yanga

Umukinnyi w’umunyarwanda kuri ubu wamaze gusinyira ikipe ya Simba SC avuye muri Yanga, Haruna Niyonzima yatangaje ko adashobora kuzibagirwa iyi kipe ya Yanga Africans yakiniye imyaka igera kuri 6 dore ko ariyo kipe yakiniye imyaka myinshi kuva yatangira gukina.

Ku munsi w’ejo hashize kuwa Kabiri nibwo ikipe ya Simba yerekanye abakinnyi bayo barimo n’umunyarwanda Haruna Niyonzima. Ni ku munsi wiswe Simba Day, ni umunsi uba buri mwaka aho iyi kipe yerekana abakinnyi bayo izakoresha mu mwaka w’imikino ndetse bakanategura umukino wa gishuti, uyu mwaka rero bakaba barakinnye umukino wa gishuti na Rayon Sports yo mu Rwanda maze umukino urangira ari 1 cya Simba ku busa bwa Rayon Sports, ni umukino Haruna yakinnye ariko akaba yaragiyemo asimbuye.

Nyuma y’uyu mukino Haruna yatangaje ko abizi ko abafana ba Yanga bababaye ariko ko ntayandi mahitamo yari afite, gusa ngo ntazibagirwa Yanga Africans kuko yamugejeje kuri byinshi.

Ati "Ndabizi abafana ba Yanga narabababaje, aba Haruna, ariko navuga ko byose ari ubuzima ntakundi nari kubigenza. Njyewe ndi umukinnyi w’umupira sinshobora kuvuga ngo zarangiriza aha igikuru ni ugukora akazi kanjye."

"Ndashamira Yanga cyane murabizi kugeza ubu Yanga niyo kipe nakinnyemo imyaka myinshi ku isi ni ikintu cyo kubashimira, nabanye nabo neza, abafana, ubuyobozi bwayo n’abantu bose bankundaga nk’iri muri Yanga nta kibazo nagiranye nabo, banyeretse urukundo n’ubufatanye. Navuga ko ari Imana yashatse kubikora kugira ngo nze muri Simba kandi nje gukora akazi. Navuga ko ntigeze ndota gukina muri Tanzania ariko Imana yarabikoze."

Haruna asinyiye Simba nyuma yo kumara imyaka igera muri 6 mu ikipe ya YAnga kuko yayinjiyemo 2011 avuye muri APR FC.

Yisangize Inshuti.

Ibitekerezo

Tanga Igitekerezo