Rwandafoam yateguriye inyongezo abazagura matera zayo muri tour du Rwanda

Uruganda rukora matera rwa Rwanda Foam rwateguriye abakiriya barwo n’abanyarwanda muri rusange udushya mu isiganwa rya tour du Rwanda harimo no kubongeza imisego uko baguze matera.

Uru ruganda muri uyu mwaka wa 2017 nibwo rwinjiye mu isganwa rizenguruka igihugu ku magare rya tour du Rwanda. Ubuyobozi bw’uru ruganda buvuga ko bwishimiye gutera inkunga iri siganwa rihuruza imbaga mu Rwanda.

Ubu buyobozi kandi buvuga ko bwifuriza intsinzi abanyarwanda bakongera kwgukana iri siganwa nk’uko bamaze imyaka 3 babikora.

Karekezi Christian ushinzwe ubucuruzi muri Rwanda foam yavuze ko abakiriya babo babahishiye udushya muri iyi tour du Rwanda harimo n’ako kubaha umusengo w’ubuntu igihe baguze matera.

Ati :”Ubu igishya duhishiye abakiriya bacu n’abanyarwanda muri rusange ni uko muri iyi tour du Rwanda uzajya agura matera tuzajya tumwongeza imisengo y’ubuntu. “

RwandaFoma kandi aho izajya ijya hose muri iri siganwa haba depo hazajya habera tombora ku banyarwanda bahatuye maze bahabwe ibihembo birimo n’imisego.

Ubwo iri siganwa ryatangizwaga hakinwa agace kabanziriza isiganwa nyirizina umuyobozi wa Rwanda Foam Makuza Patrick yavuze ko uru ruganda rumaze kuba ubukombe mu Rwanda kandi ko batazatenguha abanyarwanda mu kubakorera matera nziza kandi zirama.

Ati :”Abanyarwanda bakomeze kutugirira icyizere natwe tuzakomeza kubagezaho ibintu bifite ubuziranenge matera ziramba zikomeye matera nyarwanda turashimira abakiriya bacu tumaranye imyaka irenga 35 nta na rimwe tuzabatenguha tuzakomeza kubakorera matera nziza kandi ziramba turi uruganda rumaze kuba ubukombe.”

Uyu muyobozi w’uru ruganda avuga ko bakora matera zose abanyarwanda bakenera ati :”Dukora matera zo mu bwoko butandukanye kuvana k’uyo hasi izi z’abanyeshuri. Matera z’abana batoya ku miryango imaze kwibaruka ndetse na matera zo hejuru zose tuzakomeza gukora kandi ku biciro byiza ku bantu bose.”


Abakozi ba Rwandafoam aho amagare anyura hose baba basabana n’abaje kuyareba

Iri rushanwa uyu munsi ryavuye I Nyanza ryerekeza Umusuwisi ukinira ikipe ya Eliminate yo muri Amerika niwe wegukanye aka gace.

Uko bakurikiranye mu gace ka Nyanza-Rubavu
1- PELLAUD Simon (ILU): 4:32’30"
2- 2- JEANNES Mathieu (ARA);
3- 3- MUNYANEZA Didier (RWA);
4- 4- KANGANGI Suleiman (BAI);
5- 5- EYOB Metkel (DDC)
Uko urutonde rusange ruhagaze kugeza ubu:
1- PELLAUD Simon (ILU): 7:50’22"
2- 2- ARERUYA Joseph (DDC): 7:51’22"
3- 3- NDAYISENGA V. (TIR)
4- 4- KANGANGI S. (BAI)
5- 5- BYUKUSENGE P. (RWA)


PELLAUD Simon wanikiye abandi uyu munsi kuva Nyanza kugeza Rubavu

Yisangize Inshuti.

Ibitekerezo

Tanga Igitekerezo