Kwamamaza

INGANDA

Abahanga mu mitunganyirize y’ibiribwa barakemanga ubuziranenge bwa bimwe mu bikorerwa mu Rwanda

Yanditswe

kuya

na

Arsene Muvunyi
Abahanga mu mitunganyirize y’ibiribwa barakemanga ubuziranenge bwa bimwe mu bikorerwa mu Rwanda

Abahanga mu byerekeranye n’ikoranabuhanga mu mitunganyirize y’ibiribwa (Food Sciences Technology), bagaragaje ko batewe amakenga n’ibiribwa n’ibinyobwa bikorerwa muri zimwe mu nganda zo mu Rwanda, bavuga ko biba bitujuje ubuziranenge kuburyo bishobora kugira ingaruka ku babikoresha.

Ibi babitangaje Kuri uyu wa gatatu tariki ya 09 Werurwe 2016 ubwo bari bateraniye mu nama ihuriyemo amashyirahamwe y’abafite aho bahuriye n’imitunganyirize y’ibiribwa (Food Scientist Technology Associations) bo muri Afurika y’uburasirazuba, aho bari kwigira hamwe uburyo bwo guhanga udushya ndetse no kongera ikoranabuhanga mu mitunganyirize y’ibiribwa.

Abahanga mu byerekeranye n’ikoranabuhanga mu mitunganyirize y’ibiribwa (Food Sciences Technology), baravuga ko ubuziranenge bw’ibiribwa n’ibinyobwa bitunganyirizwa muri zimwe mu nganda zo mu Rwanda buteye amakenga bitewe n’uko nta bantu babizobereye bazikoramo.

Umuyobozi w’ishyirahamwe rya Rwanda Society of Food Science Technology Prof Kimonyo Anastase, avuga ko zimwe mu nganda zitunganya ibyo kurya byo mu Rwanda zikigaragaza ibibazo ndetse bimwe mu byo izo nganda zikora bishobora kuba byagira ingaruka ku babirya.

Yagize ati :iyo urebye inganda z’ibiribwa n’ibinyobwa za hano mu Rwanda usanga zifite ibibazo, ku buryo usanga zanaroga n’abantu hari abakoresha abantu badasobanukiwe uburyo bwo kuvanga ibiribwa, imikorere nyine kenshi na kenshi usanga itanoze.

Uwitwa Matsiko ni umwe mu banyeshuri barangije mu cyahoze ari KIST aganira na Makuruki akaba yagarutse ku rugero rw’inganda zikora utuyoga tw’ urwagwa aho tutemera guha akazi ababyize zigahitamo kubyikorera bigatuma bashyiramo ubukana burenze urugero.

Murenzi Raymond uyobora ishami rishinzwe ubuziranenge bw’imbere mu gihugu muri RSB avuga ko icyo kibazo bakizi ariko bashyira imbaraga mu guha amahugurwa abakora mu nganda z’ibiribwa ku buryo bamenya amabwiriza y’ubuziranenge.

Yagize ati “ icyo kibazo turakizi, kirahari ariko icyo dukora ni ukugerageza kwigisha abantu kubahiriza amabwiriza y’ubuziranenge cyane abakora mu nganda. Hari abaza kuyadusaba hari n’abo tuyaha ariko ni urugendo rukomeza duhora tubigisha.”

Umuyobozi wa Rwanda Society of Food Science Technology prof Kimonyo Anastase avuga ko ikibazo cy’ibiribwa bikorerwa mu nganda bitujuje ubuzirange cyazakemuka mu gihe Leta y’u Rwanda yemeye kubegera nk’ababizobereyemo bakabagira inama.

Umuryango Rwanda Society of Food Science Technology wageze mu Rwanda mu mwaka wa 2015 ukaba uhuriwemo n’abanyeshuri biga Food Science, abayize, abafite inganda ndetse n’abandi bafite aho bahuriye n’imitunganyirize y’ibiribwa.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza