Kwamamaza

INGANDA

REG yerekanye ahazava amashanyarazi azatuma agatadowa kaba amateka mu Rwanda

Yanditswe

kuya

na

Niyitanga Jean paul
REG yerekanye ahazava amashanyarazi azatuma agatadowa kaba amateka mu Rwanda

REG iremeza ko idashidikanya ko muri 2018 amashanyarazi azaba yarageze ku banyarwanda bose

Ikigo cy’igihugu gishinzwe ingufu z’amashanyarazi mu Rwanda (REG) kiratangaza ko abanyarwanda badakwiye guhangayika kuko u Rwanda rufite imishinga myinshi yo kongera amashanyarazi azatuma u Rwanda ruva kuri MW 190 rukagera kuri MW 563 muri 2018 bityo abanyarwanda bakibagirwa burundu gucana agatadowa.

Umuyobozi w’ikigo cy’igihugu gishinzwe ingufu Jean Bosco Mugiraneza, aratangaza ko bitarenze mu mwaka wa 2018 u Rwanda ruzaba rufite ingufu z’amashanyarazi zihagije zizatuma abanyarwanda bose bagerwaho n’amashanyarazi.

Mu mishinga minini uyu muyobozi yatangaje, harimo imishinga yo kubaka urugomero rwa Rusumo ruzatanga MW80, urwa Rusizi III ruzatanga MW147 ndetse n’umushinga wo kubaka uruganda ruzatanga MW80 zizava muri nyiramugengeri yo mu kibaya cy’Akanyaru mu karere ka Gisagara.

Kuri ubu kandi uyu muyobozi yatangaje ko imirimo y’umushinga wo gukura amashanyarazi azaturuka Ethiopia agaca muri Kenya na Uganda akagera mu Rwanda irimo kugenda neza ndetse ikaba itanga icyizere ko u Rwanda ruzungukira ingufu z’amashanyarazi nyinshi muri uyu mushinga.

Mugiraneza yakomeje avuga ko ku nkunga ya Banki y’Isi n’umuryango w’ubumwe bw’ibihugu by’Uburayi hagiye kuvugururwa imiyoboro ikwirakwiza amashanyarazi mu gihugu hose.

Mu gihe aya mashanyarazi ataraboneka hose, umuyobozi wa REG yakanguriye Abanyarwanda gukoresha ingufu zituruka ku mirasire y’izuba kuko ubu buryo buhendutse kandi bwegerejwe abaturage.

Abanyarwanda kandi ngo barasabwa gutura mu midugudu itunganyije kugira ngo bihendukire Leta kubagezaho amashanyarazi ndetse no gucunga neza ibikorwa remezo by’amashanyarazi aho batuye kuko kubisana bihenda Leta.

Kongera ingufu z’amashanyarazi muri Afurika ni umwe mu mishinga iraje ishinga ibihugu byinshi bya Afurika nkuko byatangarijwe mu nama ya 51 ya Banki nyafurika itsura amajyambere (BAD) iherutse guteranira i Lusaka muri Zambiya.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza