Ali Kiba yerekeje amaboko mu ishoramari yitezeho iterambere ryihuse

Umuhanzi ukunzwe muri Africa ndetse no ku isi yose Ali Kiba yiteguye gushyira hanze bimwe mu bicuruzwa yitezeho gukuramo inyungu zihambaye zashobora kumuhindura umukire mu gihe kiri imbere.

Ibyo bikorwa harimo amapantaro, amadarubindi y’izuba, ikinyobwa cyongera imbaraga (Energy Drink), ndetse n’inkweto,byose bikajya biba bigaragaraho izina rye (Ali Kiba.)

Ali Kiba Nyuma yo gushyira hanze umushinga ukubiyemo ibi byose, aritegura no gushyiraho iduka aho abafana be bazajya babasha kubibona ku buryo buboroheye mu rwego rwo kugumya kumenyekanisha izina rye no kongera agafaranga kuri konti ze.

Aganira na Nairobinews ari nayo dukesha iyi nkuru, umuhanzi Ali Kiba yatangaje ko yishimira ko abafana be bakunze igicuruzwa yashyize hanze yise AK.

Yagize ati: ”nishimiye ukuntu abantu bakiriye AK, barayitabiriye kandi barayigura barayambara” yongeyeho kandi ko kuri ubu agiye gusohora n’ikinyobwa kizasohokera rimwe n’amapantaro, amadarubindi, ndetse n’inkweto

Uyu muhanzi w’imyaka isaga gato 30, akomoka mu gihugu cya Tanzaniya ubusanzwe amazina ye yose ni Ali Saleh Kiba. Yamenyekanye mu ndirimbo nyinshi zitandukanye nka mwana, aje, rupela n’izindi nyinshi zitandukanye.

Kanda hano wumve indirimbo Aje ya Alikiba

Yisangize Inshuti.

Ibitekerezo

Tanga Igitekerezo