Kwamamaza

Imyidagaduro

Diamond Platnumz ntiyicuza kuba yaraciye inyuma Zari akabyarana na Mobeto

Yanditswe

kuya

na

Bikorimana Alexis
Diamond Platnumz ntiyicuza kuba yaraciye inyuma Zari akabyarana na Mobeto

Diamond Platnumz asanga nta mpamvu n’imwe afite yo kwicuza kuba yarabyaranye n’Umunyamideli kuko buri kintu cyose kibera igihe cyacyo, bityo ngo kuba yaraciye inyuma umugore we byagombaga kuba.

Umuhanzi w’icyamamare muri Tanzania, Diamond Platnumz, atangaza ko ntacyo yishinja nyuma yo kubyarana n’Umunyamideli Mobeto kuko buri kintu kibera mu gihe cyacyo.

Diamond wari umaze iminsi avugwaho ko yaba atacyumvikana n’umugore we, Zari kubera kumuca inyuma akabyarana na Mobeto kuri ubu yamukuriye inzira ku murima amubwira ko aticuza kuba yarabyaranye n’uyu Munyamidelikazi.

Mu kiganiro Diamond Platnumz yagiranye n’umunyamakuru wa BBC dukesha iyi nkuru, yavuze ko nta nka yaciye amabere kuba yarabyaranye na Mobeto, kuko buri kimwe kibaho kigenwa n’Imana isumbabyose gusa.

Diamond yagize ati: ”Ndibaza ko buri kimwe kibaho mu buzima, kandi kikagufasha mu gukura neza utumbiriye ejo hawe hazaza, Imana isumba byose ni yo izi uko ikoramo ibyayo, ishobora kugushyira mu bigeragezo kugira ngo ugaragaze imbaraga zawe zigufasha kurushaho gutera imbere, bityo rero nta mpamvu yo guhangayika ngo wumve ko igikuba cyacitse, gerageza wumve utuje muri wowe”

Diamond yahakanye yivuye inyuma ibyo kuba yarabanje kwanga umwana yabyaranye na Mobeto, avuga ko yakurikiraniraga hafi ubuzima bw’uyu munyamidelikazi ndetse ngo akimenya ko yamuteye inda yahise asaba Mobeto kudakora ikosa ryo gukuramo iyo nda kuko yumvaga ko umwana uzavuka azaba ari amaraso ye kandi ko yiteguye gutanga ubufasha ubwo ari bwo bwose ariko umwana akabaho neza.

Yagize ati: ”Nkimenya ko umugore wanjye atwite nahise musaba ko atakuramo inda y’umwana wanje kandi nyuma yo kumenya ko yambyariye umuhungu nahise mugurira imodoka ya Rav4 izajya imfashiriza umwana kubaho neza”

Mu kwezi kwa Nzei nibwo amakuru yagaragaza guhangana gukomeye hagati ya Zari na Mobeto, aho Zari, umugore wa Diamond yabwiraga uyu munyamideli ko umwana yabyaye atari uw’umugabo we.

Umubano wa Diamond Platnumz na Zari wajemo agatotsi no kutumvikana nyuma yo kuba uyu muhanzi ashinjwa gutera inda impande n’impande bityo bigaca intege umugore we.

IBITEKEREZO

  1. ariko murasetsa nigute umu star nka diamond yareka kurya abana?ewana nange nabahekenya KBS ikiba kikaba.naho kubyara abuze ikise azamwatsa ahubwo zari natuxe

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza