Kwamamaza

Imyidagaduro

Mani Martin arashinja Primus Guma Guma Super Star kwica isoko ry’umuziki Nyarwanda

Yanditswe

kuya

na

Bikorimana Alexis
Mani Martin arashinja Primus Guma Guma Super Star kwica  isoko ry’umuziki Nyarwanda

Umuhanzi Mani Martin aravuga ko irushanwa rya Primus Guma Guma rituma ibitaramo by’abahanzi bititabirwa kuko abafana baba barabonye cyangwa bitegura kubona abahanzi mu bitaramo by’ubuntu bya Guma Guma bityo abategura ibitaramo byo kwishyuza abafana ntibyitabirwe.

Mbere y’uko Guma Guma iza, 2008,2009,2010 na 2011 abahanzi bajyaga kumurika Album cyangwa gutegura igitaramo biteze ko bari bubone abafana b’umuziki benshi bakitabiriye kuko na bo babaga bafite amatsiko yo kubona abo bahanzi bikundira ariko kuri ubu abafana ntibakitabira ibitaramo byishyuza kuko baba bazi ko n’ubundi bazabona abo bahanzi ku buntu nta na kimwe batanze mu bitaramo bya Primus Guma Guma Super Star.

Mani Martin uririmba indirimbo ziganjemo iza gakondo, asanga nta kuntu umuntu ashobora kuza kugura ibintu kandi hari aho yabibonera Ubuntu.

Mani Martin yagize ati: “Biragoye gutegura igitaramo ngo wuzuze stade nk’uko byahoze kandi warazengurutse igihugu cyose abakunzi bawe bakubona ku buntu."

Avuga ko abatajya muri Guma Guma iyo bateguye ibitaramo byishyuza bahomba kuko aba bahanganye mu ruhando rwa muzika bo baba benda cyangwa bamaze igihe gito bazengurutse igihugu bashimisha abafana ku buntu.

Ati: "ntiwaba ufite igicuruzwa uri kugurisha uwo muhanganye agitangira Ubuntu ngo ubone abakiriya”

Primus Guma Guma Super Star ni irushanwa ritegurwa na Bralirwa rikaba rizenguruka igihugu cyose, aho abahanzi bahura n’abakunzi babo mu ntara zitandukanye ari na cyo Mani Martin ashingiraho avuga ko umuntu ataba yakuboneye Ubuntu ngo n’utegura igitaramo cyo kwishyura acyitabire.

JPEG - 238 kb
Abantu batari bake baturuka imihnda yose baje kwirebera abahanzi bakunda kuko kwinjira biba ari ubuntu

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza