Amashusho y’indirimbo Binkolera Sheebah yakoranye na The Ben yashyizwe ahagaragara

Sheebah Karungi, Umuhanzikazi wo mu gihugu cya Uganda yamaze gushyira hanze amashusho y’indirimbo Binkolera yakoranye na The Ben.

Amashusho y’iyi ndirimbo aje asa n’aho atunguranye nyuma y’igihe ategererezanyijwe amatsiko na benshi bitewe n’ibyagiye bitangazwa ku ikorwa ry’amashusho yayo mu minsi yashize.

Kuri iki cyumweru tariki 22 Ukwakira 2017, nibwo amashusho yayo yashyizwe ahagaragara, ndetse binagaragara ko yishimiwe mu buryo budasanzwe binyuze mu bitekerezo bitandukanye byagiye bitangwa n’abamaze kuyareba.

Nkuko bigaragara muri iyi ndirimbo, Amashusho yayo yafashwe anatunganywa na ,Producer Justin Campos, umusore wo muri Afurika y’Epfo usanzwe azwiho ubuhanga mu gutunganya amashusho.

Iyi ndirimbo ije nyuma y’izindi The Ben yakoze zisanzwe zikunzwe muri iyi minsi nka Habibi, Kami yafatanyije na Kid Gaju, Ntacyadutanya ahuriyemo na Priscillah, Roho Yanjye n’izindi.

Yisangize Inshuti.

Ibitekerezo

Tanga Igitekerezo