Kwamamaza

Imyidagaduro

Lulu wishe Kanumbi yagiriwe inama na sebukwe z’imihango azakora ku mva ye ngo akire imivumo n’imyaku

Yanditswe

kuya

na

Makuruki
Lulu wishe Kanumbi  yagiriwe inama  na sebukwe z’imihango azakora ku mva ye ngo akire  imivumo n’imyaku

Charles Kusekwa Kanumba akaba papa wa Steven Charles Kanumba wari umukinnyi wa filime muri Tanzaniya yishimiye ifungurwa ry’uwahoze ari umukunzi w’umuhungu we Elisabeth Michael Lulu wamwishe anamubwira imihango azajya gukora ku mva akikiza imivumo n’imyaku

Ibi yabitangaje mu mpera z’icyumweru gishize akoresheje telefone ngendanwa ye ubwo yari yibereye iwe mu rugo mu ntara ya Shinyanga mbere yo gutangira igisibo, ubwo yagaragazaga ibyishimo by’uko uwo wari kuzaba umukazana we yafunguwe ndetse akomeza amugira n’inama z’ingirakamaro.

N’ubwo uyu musaza ameze atya bitandukanye cyane na mama wa kanumba Flora Mtegoa kuko atigeze ashimishwa na gato n’ifungurwa rya Lulu.

Charles ati: “Nta kibazo afitanye n’ikiremwa muntu.” Ibi nibyo bibabaza mama wa Kanumba kugeza aho yifuza ko uyu mukobwa yasubizwa muri gereza, mu gihe Se wa Kanumba we asanga kuba Lulu yarafunguwe ari gahunda yapanzwe n’Imana.

Yagize ati: “ buri kimwe cyose cyo ku isi kriho ku bwayo kandi ikitubaho cyose ni ku bw’urukundo rwayo sinashinja Lulu ngo nanarakazwe n’impamvu yafunguwe cyangwa se ngo nshimishwe n’uko amaze umwaka afunzwe, Kanumba wacu yitabye Imana byararangiye kandi ntateze no kuzagaruka.”

Yakome agira ati, “ Sinamuciraho iteka kubera ko njye nemera Imana, ibyabaye byose n’Imana yabipanze ni yo mpamvu nge nifuzaga ko ibi bibazo byarangira, abahakana birabareba kuba umuhungu wanjye yarapfuye byarambabaje cyane ariko nanone ntibyantera gusaba Imana ngo inkorere ibyo nshaka byose, kandi mwibuke neza ko ijambo ryayo ritwigisha rikanadusaba kubabarira.”

Yakomeje aha inama uwari umukazana

Muri icyo kiganiro cyabaye kuri uyu wa gatanu uyu mugabo yamugiriye inama nziza aho yamusabye ko niba ashaka kubaho ubuzima bwiza ari uko yaba mu muryango mwiza kandi akabana n’abantu mu mahoro, gusa yamusabye ko yajya gusukura ku mva ya Kanumba maze niba ari urira azaharirire azaba yikuyeho imivumo yose n’imyaku.

Ati, “ Nshingiye ku muco w’ubwoko bwacu bwa Kisukuma, tuziko Lulu ariwe mugore wa Kanumba nta wundi tuzi,niyo mpamvu numva twamureka akisanzura ahubwo we nagende asukure ku mva y’umugabo we. Niba Lulu ashaka ko yazagira umuryango, agashingirwa, akabyara akazagira n’amahoro mu buzima bwe bwose nagende asukure imva ya Kanumba nk’uko umuco wacu ubiteganya araba ahasize imyaku n’imivumo yose.”

Yakomeje avuga ko naramuka atabikoze azagira ibihe bibi mu buzima bwe ati “Naramuka atabikoze amaraso ya Kamba ndetse n’umuzimu we bizamukurikirana, ntazashyingirwa cyangwa ngo anabyare. Naramuka atazikurikije azicuza ubwo azaba yatangiye kubura amahoro, gukora biriya bizamurinda ko yakurikiranwa n’umuzimu w’umuhungu wanjye wazamubuza amahoro n’ibyishimo.”

Kuwa 13 Ugushingo 2017 nibwo Lulu yari yakatiwe imyaka ibiri nyuma yo guhamwa n’icyaha cyo kuroga Steven Kanumba gusa ku bw’imbabazi zatanzwe na Perezida Magufuli uyu mukinnyi wa filimi yahawe gukomereza igihano cye hanze.

Murwanashyaka Jean de Dieu/@Makuruki.rw

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza