Kwamamaza

MU MAHANGA

Aba Miss bashinjwa kwangiza umuco w’inka ngo baciye mu rihumye ababashinzwe

Yanditswe

kuya

na

Bikorimana Alexis
Aba Miss bashinjwa kwangiza umuco w’inka ngo baciye mu rihumye ababashinzwe

Inteko y’Ururimi n’Umuco ivuga ko aba bakobwa bari guhatanira ikamba rya Miss Rwanda badakwiye gucibwaho iteka kubyo bakoze kuko batari bazi ko ari amakosa kandi atari gahunda yari yateguwe kuko iyo bashaka kureba inka no kumenya ibijyanye nazo bajyanwa I Nyanza mu Rukari.

Amafoto amaze iminsi ari gukwirakwizwa impande n’impande agaragaza abakobwa bari guhatanira ikambwa rya Miss Rwanda 2018 bakamiye inka mu kadobo k’isabune , akomeje guteza impagarara ku Banyarwanda babonaga ko ari ugutesha umuco Nyarwanda agaciro by’umwihariko inka isanzwe ari ishingiro ry’umuco nyarwanda.

Dr. Nzabonimpa Jacques umuyobozi w’ishami ry’Umuco mu Nteko Nyarwanda y’umuco n’ururimi (RALC) yavuze ko kuba aba bakobwa barakamiye amata mu kadobo byatewe n’uko bashakaga kwimara amatsiko kandi ko bitari muri gahunda y’irushanwa kuko uwari wabajyanye muri Siporo yari yagiye bagasigara inyuma.

Dr. Nzabonimpa Jacques yagize ati, “Ibiri kuvugwa ko abakobwa bari guhatanira ikamba rya Miss Rwanda 2018 bataye umuco siko biri, bari bavuye muri siporo banyura ahari inka bifuza gushira amatsiko aribwo bafataga igikoresho babonye hafi bakakifashisha kugirango bashire amatsiko y’uko bakama inka”

Uyu muyobozi yashimangiye ko aba bakobwa barigukurwamo uzaba nyampinga w’u Rwanda harimo abatizi inka byatumye baca mu rihumye uwari wabajyanye muri siporo bagamije kwimara amatsiko.

Yongeyeho ko atari ibintu byari byateguwe n’abashinzwe iri rushanwa kuko igikorwa cyo kwigisha umuco Nyarwanda aba bakobwa kiri mu biteguwe aho biteganijwe ko bazajya kureba inka n’ibijyanye nayo mu Rukari.

Ku bijyanye no gukurikiranwa kw’abahagarariye irushanwa nyuma yo gutora Nyampinga, RALC yavuze ko nta bizabaho kuko ibyabaye bitari byateguwe n’abayobozi bityo nta gikuba cyacitse.

Nubwo Inteko Nyarwanda y’Ururimi n’Umuco ivuga ko aba bakobwa babikoze bitazwi na Rwanda Inspiration Back Up ishinzwe gutegura aya marushanya ntibabivugaho rumwe kuko bo bamaze gusaba imbabazi abanyarwanda ku kuba barishe umuco bagakamira inka mu kadobo ntaho byabaye mu muco Nyarwanda.

Umwiherero w’abakobwa bari guhatanira ikamba rya Miss Rwanda 2018 watangiye kuwa 09 Gashyantare 2018 ukaba uzarangira nyuma y’iminsi 14

IBITEKEREZO

  • Pascal Habimana Yanditse:

    Dogite?Koko ?iyo utirirwa uvuga ibi bintu koko?Ugize ngo:
    Bari bavuye muri siporo banyura ahari inka bifuza gushira amatsiko aribwo bafataga igikoresho babonye hafi bakakifashisha kugirango bashire amatsiko y’uko bakama inka†Iyi nka se nayo yari mu ihiganwa?
    Ngo :aba bakobwa barigukurwamo uzaba nyampinga w’u Rwanda harimo abatazi inka byatumye baca mu rihumye uwari wabajyanye muri siporo bagamije kwimara amatsiko. Ese Dogite? umunyarwanda utazi inka yarerewe mu gisabo aturumbukamo aje mu irushanwa?

  • Pascal Habimana Yanditse:

    Dogite?Koko ?iyo utirirwa uvuga ibi bintu koko?Ugize ngo:
    Bari bavuye muri siporo banyura ahari inka bifuza gushira amatsiko aribwo bafataga igikoresho babonye hafi bakakifashisha kugirango bashire amatsiko y’uko bakama inka†Iyi nka se nayo yari mu ihiganwa?
    Ngo :aba bakobwa barigukurwamo uzaba nyampinga w’u Rwanda harimo abatazi inka byatumye baca mu rihumye uwari wabajyanye muri siporo bagamije kwimara amatsiko. Ese Dogite? umunyarwanda utazi inka yarerewe mu gisabo aturumbukamo aje mu irushanwa?

  • mucoma mico Yanditse:

    uwo wabajyanye akabasiga inyuma azi barakoze ibiki bindi birenzeho??
    muturekere ABANA ahubwo iyokozi yibibi yari yabasohokanye niyo yoguhembwa imbwa
    maze abari bacu gahunda igakomeza kuba programm.

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza