Kwamamaza

MU MAHANGA

Kenya: Perezida Kenyata yahuye na Raila Odinga mu biganiro byo kunga ubumwe

Yanditswe

kuya

na

Bikorimana Alexis
Kenya: Perezida Kenyata yahuye na Raila Odinga mu biganiro byo kunga ubumwe

Perezida Uhuru Kenyatta yahuye n’Umuyobozi w’Ishyaka ritavuga rumwe na Leta y’iki gihugu, Raila Odinga i Harambee muri Nairobi mu rwego rwo kurebera hamwe ikibatanya ndetse no kugishakira umuti wa burundu.

Kuri uyu wa Gatanu tariki ya 09 Werurwe 2017, Perezida wa Kenya Uhuru Kenyatta yahuye n’Umuyobozi w’ihuriro ry’amashyaka atavura rumwe n’ubutegetsi bwe NASA (National Super Alliance) mu biganiro byo kurebera hamwe uko bagarura umwuka mwiza mu baturage.

Ni ubwa mbere aba bombi bahuye imbona nkubone kuva muri Kanama umwaka ushize haba amatora Raila Odinga akavuga ko atakurikije amategeko ndetse akikuramo.

Iyi nama kandi igambiriye kurebera hamwe uko bafata ingamba zihamye mu kunga abanyakenya ndetse no kubagaruramo umwuka mwiza nyuma y’amatora y’umukuru w’igihugu yabaciyemo ibice.

Muri iyi nama Raila Odinga yavuze ko igihe kigeze ngo ibigabanyamo abaturage ibice bigere ku musozo.

Ibi biganiro bya Perezida Kenyatta na Raila Odinga bije mu gihe iki gihe Kenya yitegura umunyamabanga wa Leta Zunze Ubumwe za America, Rex Tillerson uri mu ruzinduko mu bihugu bya Africa nk’uko Daily Nation ibitangaza.

Hari hasanzwe uguhangana gukomeye hagati y’aba bombi, kuko nyuma yo kurahira kwa Uhuru Kenyatta nka Perezida wa Kenya, Raila Odinga yatangaje ko ari we Perezida w’abaturage ba Kenya ndetse kuwa 30 Mutarama uyu mwaka arahira nka Perezida wa Kenya.

Raila Odinga yikuye mu matora y’umukuru w’igihugu yasubiwemo kuwa 26 Ukwakira 2017, nyuma y’uko ayari yabaye kuwa 08 Kanama agatsindwa na Uhuru Kenyatta urukiko rukuru rwari rwayatesheje agaciro ruvuga ko habayemo uburiganya.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza