Umuyobozi mukuru muri Afurika y’Epfo yakubitiye umugore mukabyiniro

1

Umunyamabanga uhoraho muri Minisiteri y’uburezi mu gihugu cya Afurika y’Epfo Mduduzi Manana arashinjwa gukubitira umugore mu kabyiniro.

Uyu muyobozi yemeye ko ibyo yakoze bigayitse ndetse anabisabira imbabazi, yavuze ko ibi bikorwa yakoze biteye isoni yemeza ko yakabaye yaririnze kubikora ngo n’ubwo yarashotowe.

Minisitiri ufite mu nshingano abagore muri iki gihugu Susan Shabangu yavuze ko yatunguwe n’aya mahano amaze kubona aya makuru.

Afurika y’Epfo iri mu bihugu biza imbere ku Isi mu kugira ingeso yo guhohotera abagore. Polisi y’iki gihugu ivuga ko mu mwaka ushize yakiriye ibirego 64,000 byose birega abantu guhohotera abagore.

Umuvugizi wa polisi yabwiye AFP ko barimo gukora iperereza kuri icyo gikorwa cyakozwe n’uyu muyobozi .

Amwe mu majwi agera ku bitangazamakuru byo muri iki gihugu yaba yarafashwe ngo avuga ko uyu mugore yakubiswe ingumi n’uyu mu minisitiri nyuma y’uko amwise umutinganyi ngo akundana n’abagabo bagenzi be.

Yisangize Inshuti.

Ibitekerezo 1

  1. YEWE IBINTU BIRAKOMEYE CYANE.UMUYOBOZI ARWANIRA MUKABYINIRO?BAJYE BAZA KWIGIRA IMYITWARIRE MU RWANDA.

Tanga Igitekerezo