Kwamamaza

MU MAHANGA

Zimbabwe: Ishyaka riri ku butegetsi ryitabaje Inteko Ishinga Amategeko mu kweguza Mugabe

Yanditswe

kuya

na

Bikorimana Alexis
Zimbabwe: Ishyaka riri ku butegetsi ryitabaje Inteko Ishinga Amategeko mu kweguza Mugabe

Ishyaka riri ku butegetsi rya Zanu PF rigiye kujyana ubusabe mu Nteko Ishinga Amategeko risaba ko Robert Mugabe yakeguzwa kuko amasaha yahawe yo kwikura ku butegetsi yarenze ntacyo akoze.

Zanu PF irasaba inteko ishinga amategeko ko yakeguza Mugabe bitarenze iminsi ibiri, nyuma yo kumushinja ibyaha byinshi birimo no kwemerera umugore we Grace Mugabe kwiha ububasha muri Guverinoma.

Umwe mu Badepite bakomoka mu ishyaka rya Zanu PF, Vongai Mupereri, yabwiye AFP ko bagiye gukora uko bashoboye kose ariko Mugabe agakurwa ku butegetsi bwa Zimbabwe.
Vongai Mupereri yagize ati,”Ni ngombwa ko dukuraho Mugabe kuko akomeje kugaragaza imbaraga nke mu mikorere kandi atangiye kureka umugore we agafata ibyemezo bimwe bibangamiye ubusugire bw’igihugu cyacyu”

Yongeyeho ko nubwo abagize inteko ishinga amategeko bakomoka muri Zanu PF, bazifashisa n’abatavuga rumwe na Leta kuko nabo batishimiye imikorere ya Robert Mugabe umaze imyaka 37 ku buyobozi.

Mu cyumweru gishize nibwo igisirikare cyatangaje ko gifashe ubutegetsi mu minsi mike kugira ngo babanze bahangane n’abayobozi bitwikira imbaraga nke bakanyereza umutungo w’igihugu.

Abayobozi bakuru b’igisirikare bakimara gufata ubutegetsi batangaje ko igikorwa bakozea atari uguhirika ubutegetsi ko nibamara kwirukana abo bita abayobozi babi bazahita absubiza ubutegetsi Mugabe.

Ikibazo cyo kugaragaza integer nke kwa Robert Mugabe kwagaragaye ubwo yirukanaga Vice-Perezida we bafatanije kubohora igihugu, muri gahunda yo kumushyira kuruhande ngo atazabangamira umugambi wabo wo gusimburana ku butegetsi n’umugore we, Grace Mugabe.

Kuri uyu wa mbere abanyeshuri ba Kaminuza nkuru ya Zimbabwe banze gukora ibizami basaba ko imyamyabumenyi y’ikirenga yahawe Grace Mugabe yateshwa agaciro kuko yize amezi abiri gusa arayihabwa mu gihe abandi bayigira imyaka 4.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza