Kwamamaza

POLITIKE Y’U RWANDA

Impunzi ziri mu Rwanda zigomba gukurikiza amategeko igihugu kigenderaho-Min. Mushikiwabo

Yanditswe

kuya

na

Bikorimana Alexis
Impunzi ziri mu Rwanda zigomba gukurikiza amategeko igihugu kigenderaho-Min. Mushikiwabo

Minisitiri w’Ububanyi n’Amahanga w’u Rwanda Louise Mushikiwabo avuga ko impunzi zihungira mu Rwanda zigomba gukurikiza amategeko igihugu kigenderaho kandi bakirinda kuzana imyemerere yabo igihe ibangamiye imibereho y’igihugu bahungiyemo.

Min. Mushikiwabo atangaje ibi nyuma y’ibibazo by’impunzi z’Abarundi ziherutse kwinjira mu Rwanda ariko zikagaragaza ko hari ibikorwa bimwe na bimwe harimo nk’ibyo kuzibarura hakoreshejwe ikoranabuhanga zidashobora kwemera gukorerwa kubera imyemerere ndetse zinavuga ko zitazemera ibyo kurya byo mu nganda.

Minisitiri Mushikiwabo yagize ati, “Hari impunzi zifite imyumvire yo kutemera kubarurwa hakoreshejwe ikoranabuhanga kandi ni bwo buryo dufite bwo kwandikisha impunzi, mu myemerere yabo ntabwo bemera ubuvuzi busanzwe mu gihugu, gukingira abana ntibabyemera, ntabwo rero nk’Igihugu wazana abantu bashobora kuba bafite indwara zandura, badashaka kwivuza.”

Minisitiri Mushikiwabo yakomeje avuga ko impunzi zifite bene iyi myumvire zigiye kuganirizwa hagamije kurebwa uko yahinduka.

Min. Mushikiwabo yagize ati, “Abafite iyo myemerere y’idini tutumva neza; ubwo nabo turakora uko dushoboye, tubaganirize, tubigishe turebe ko bakwemera kubaho nk’abandi banyarwanda basanzwe. Nta gihugu cyakwemera abantu badashaka kwivuza, badashaka kwiyandikisha, ibyo ntabwo byashoboka.”

Si impunzi z’Abarundi ziteje ikibazo gusa kuko no mu kwezi gushize impuzi z’Abanye-Congo ziri mu nkambi ya Kiziba zigaragambije zitwaje ko inkunga bajyenerwa na Loni yagabanutse, gusa yavuze ko ibibazo kugira ngo bikemuke ntihagomba kubanza kubaho kwigaragambya.

Yagize ati, “Uretse ibyo kuvuga ngo umuryango ushinzwe impunzi wa Loni wagabanyije ibyo kurya, icyo ni ikibazo rusange kireba impunzi zose ariko ntabwo ari ikibazo cyatuma impunzi zigaragambya muri buriya buryo hakazamo n’amahane akomeye yo gutera abashinzwe kubarinda.”

Yagarutse ku kibazo cy’impunzi usanga zishaka kugira ikarita y’Impunzi ndetse zikagira n’Indangamuntu y’u Rwanda kandi bidashoboka, mu gihe usanga baba bifuza gutura mu bihugu by’amahanga.

Min.Mushikiwabo yagize ati, “Hari benshi muri ziriya mpunzi bashaka kuba Abanyarwanda kuko hari abasabye kuba abanyarwanda, barashaka no gusubira iwabo noneho bagashaka no kujya gutura mu mahanga i Burayi na Amerika, urumva rero ntiwaba ibintu bitatu icya rimwe ngo bikunde.”

Kuwa 20 Gashyantare nibwo impunzi z’Abanye-Congo zigaragambije, zikambika ku biro bya UNHCR biri I Kiziba zisaba ko ibyo zigenerwa nk’inkunga byakwiyongera kuko bidahagije, byaje no gutuma zimwe mu mpunzi zihasiga ubuzima ubwo zageragezaga guhangana n’inzego zishinzwe umutekano

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza