Kwamamaza

POLITIKE Y’U RWANDA

Mu ishuri rya FAWE hatumijwe resitora igaburira abanyeshuri ,abatasuwe n’abafite ababyeyi bakennye barabwirirwa

Yanditswe

kuya

Mu ishuri rya FAWE hatumijwe resitora igaburira abanyeshuri ,abatasuwe n’abafite ababyeyi bakennye barabwirirwa

Kuri iki cyumweru mu ishuri rya FAWE Girls School rihereye mu murenge wa Gisozi mu karere ka Gasabo mu mujyi wa Kigali habereye inama y’ababyeyi maze irangiye hatumizwa resitora yo hanze y’ishuri ngo ibagaburire , abana batasuwe n’abafite ababyeyi babakene barabwirirwa kuko ngo ibiryo byari bihenze.

Ababyeyi baganiriye na Makuruki.rw bavuze ko ibi byabatunguye bagezeyo bakabona haje resitora bagasabwa kugurira abana babo ibiryo, ngo batunguwe n’uko iyi resitora yari ihenze kuburyo abafite ababyeyi batishoboye abana babo babwiriwe naho abo ababyeyi babo bataje bo ntibari bemerewe gukandagira aho ibiryo byarurirwa barabwirirwa.

Umwe mu babyeyi twaganiriye yagize ati :”Ikibazo twahuye nacyo ni ibintu byakorewe mu kigo bidutunguye bashyizeho gahunda ngo yo kuzana resitora mu cyigo ngo yitwa CityVally icya mbere yaje ihenze ibiryo bigura ibihumbi 3 harimo abatari bayitwaje kuko ntitwari tubizi ikibazo cyari gikomeye cyane ni uko ikigo kitigeze gitekera abana bivuze ko uko byagobaga kugenda kose umwana wagombaga kumugurira ibyo kurya kugirango atabwirirwa.

Yakomeje agira ati :”ikindi abana batasuwe ntabwo bariye babwiriwe kuko babuze uwabagurira ibiryo, uretse ko hari n’ababyeyi baje nta mafaranga bitwaje gusa nabonaga hari utundi tuntu duhendutse nk’udufanta ariko ntabwo fanta yatunga umwana uri ku ishuri.”

Undi nawe yagize ati:” ibi ntabwo bikwiriye kuko iyo umwana aje ku ishuri bamuha amafaranga y’ishuri yuzuye nta munsi n’umwe rero akwiye kubwirirwa ikindi kandi ntabwo abana bose basurwa kuko ababyeyi bose ntibaba bafite ubushobozi bwo kugera ku ishuri hari n’abana bimfubyi birera badafite abasura nibo uri kubona bigunze inzara yabishe.”

Aba bayebyey bavuga ko ibyo babonye bidasanzwe kuko ari ubwa mbere babonye ikigo gitumiza resotora mu cyigo ngo abana barye ibiryo bishyuye. Basaba ko bitazongera ngo kuko byatumye hari abana babwirirwa kuko batasuwe ndetse ngo hari n’abasuwe n’ababyeyi badafite amafaranga bakabura ibyo babagurira.

Soeur Marie Eugenie Kayiraba, umuyobozi w’iri shuri rya FAWE Girls School ariko we yahakanye ko nta mwana wabwiriwe kuko ngo bose bariye.

Ati :”ntababwiriwe twabatekeye abatari burye turabibaha kandi ibyo ni ibintu byababyeyi nta kidasabye aba ni ababyeyi bakubwira kandi twabiteguranye nabo nta kintu gishya navanye mu ijuru naho ibi bintu wakoze byo kwinjira mu kigo utavuze sibyo. Niba umuntu umwe azajya ababwira ikintu muhagubuka hariya mukaza iryo siryo tangazamakuru ryigenga, abo bana bariye utariye ibye birateganyijwe naho ibyo byo kuvuga iteka haba irengayobora(exception) no mu bukwe bibaho.”


Soeur Marie Eugenie Kayiraba, umuyobozi w’iri shuri

Ubwo twavuganaga n’uyu muyobozi hari saa cyenda n’iminota 6 bamwe mu bana bari bagitegereje ko hari ababyeyi bakwinjira ngo babasure maze barebe ko barya abandi batiraga telefoni bamwe mu babyeyi ngo bahamagare ababo baze babagurire ibiryo.


Abanyeshuri basuwe batondanaga umurongo n’abayeyi babo bakajya kwarura


Abatasuwe ntibari bemerewe kurya

Ndahiro Valens Papy@Makuruki.rw

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza