Kwamamaza

Politiki

Perezida Kagame yeretse bagenzi be icyazana amahoro n’umutekano muri Afurika

Yanditswe

kuya

na

Jean Paul Niyitanga
Perezida Kagame yeretse bagenzi be icyazana amahoro n’umutekano muri Afurika

Perezida wa Repubulika y’u Rwanda Paul Kagame yavuze ko umutekano muri Afurika ukomeza kugaragara bitewe nuko ibihugu bitunze ubumwe ngo bifatanye guhangana n’icyahungabanya umutekano.

Perezida Kagame uri iDakar muri Senegal aho yitabiriye inama ya kane y’Ihuriro Mpuzamahanga ryita ku Mahoro n’Umutekano muri Afurika.

Insanganyamatsiko kuri iyi nshuro ya kane y’iri huriro iragira iti: "Ibibangamiye umutekano muri Afurika hagamijwe gushaka umuti mu buryo buhuriweho."

Mu mbwirwaruhame yavugiye muri iyi nama, Perezida Kagame yavuze ko ubufatanye bw’ibihugu ari bwo ntwaro ya mbere mu kubungabunga amahoro n’umutekano.

Yagize ati: "Munyemerere nshimangire ko umuteno muke wiyongera iyo tudahuje ngo dufatanye, ikibazo icyo ari cyo cyose twashobora kugikemura turamutse dufatanyije, ibyo bisobanuye gufanya hagati yacu nk’abanyafurika, nitwemerera abandi gusesengura ibibazo byacu no gufata inshingano zo kubikemura icyo gihe nitwe tuzaba dukwiriye kwirenganya."

Perezida Kagame yavuze ko gahunda abanya-Afurika bihaye yo kuvugurura imikorere y’Umuryango wa Afurika Yunze ubumwe ari nziza kandi izabyara umusaruro. Yongeyeho ko kuba Afurika yifuza kunga ubumwe bitavuze gukumira uburyo bwo kwifatanya n’abaterankunga bo hanze yayo.

Yavuze ko umutekano ugomba gushingira ku bukungu buhari kandi busaranganyijwe neza ntibugire uwo buheza.

Ati: "Ubushake bwo kwihuza bugomba kurenga ku rwego rwa za Guverinoma, umutekano ushingira ku musingi w’icyizere n’ubukungu buzamuka kandi abaturage bose bakabwibonamo. Uko ni ko u Rwanda rukora, aho abaturage n’abikorera bagira uruhare muri Politiki nziza zubaka zigatanga icyizere."

Yakomeje agira ati: "Ni ingenzi gushimangira ubumwe bwa Afurika, kwishyira hamwe, tugakemura ibibazodufatanyije. Iyo abantu bunze ubumwe, bakora bimwe kandi bakavuga rumwe, tugomba gufata inshingano tutarindiriye abaterankunga ahubwo bo bakaza bongera ku mbaraga zacu. Tugomba gufata inshingano ku bibazo byacu tukishakamo ubushobozi kandi gufatanya niyo nkingi."

Avuga ko gukoresha ingabo mu kubungabunga amahoro byonyine bidahagije, ahubwo ngo mu gihe ibihugu bidafite ibibazo by’umutekano mucye bizafatanya n’ibifite ibyo bibazo ubwabyo byakemura ikibazo.

Perezida Kagame yageze mu Senegale kuri iki cyumweru aho yakiriwe na mugenzi we Macky Sall.


Perezida Kagame yagaragarije bagenzi be ko kunga ubumwe no guharanira kwishakamo ubushobozi aribyo byazana amahoro n’umutekano.

IBITEKEREZO

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza