Dr. Ntawukuriryayo mu bicu yamamariza Kagame umwanya bigeze guhatanira (AMAFOTO)

3

Dr. Ntawukuriryayo Jean Damascene wigeze guhatanira umwanya w’umukuru w’igihugu na Kagame Paul mu mwaka wa 2010 ariko akamukubita inshuro akamutsinda amurusha ku kigero kiri hejuru, yahisemo kuza mu bimbere mu kumwamamaza muri aya matora arangiye ya 2017.

Amatora y’umukuru w’igihugu ya 2010 Paul Kagame yayatsindiye ku majwi 93,08% mu gihe Dr Ntawukuriryayo wari uhagarariye ishyaka PSD wamukurikiye yari afite 5,15% naho Prosper Higiro wari uhagarariye PL we yagize 1.37 %.

Ubundi ntibimenyerewe muri politike ko umwe mu bantu bahanganye mu ma matora ahindukirira uwamutsinze akamwamamaza mu kindi gihe. Rimwe na rimwe hari n’ubwo abo bombi bahinduka abanzi umwe agahora arwanya undi.

Mu bihe byo kwamamaza Paul Kagame, umukandida wa FPR-Inkotanyi, mu matora yabaye tariki ya 03 n’iya 4 Kanama 2017, hagaragaye ubudasa kuri Dr. Ntawukuriryayo Jean Damascene wigeze aho yagaragaye yamamaza Paul Kagame yivuye inyuma.

Ntawukuriryayo ari mu bayobozi baherekeje Kagame aho yiyamamarije hose ndetse yanagiye agaragara mu bantu babaga bari imbere mu babyinaga cyane bishimira kwakira Kagame bamwereka urugwiro kuri site yiyamamarizagaho.

Kuba umunyapolitiki uturuka mu ishyaka runaka yamamaza undi wo mu rindi shyaka ku mwanya bigeze guhatanira, mu matora arangiye byafashwe nk’ubufatanye ndetse na Perezida Kagame yakunze kubigarukaho aho yiyamamazaga hose avuga ko abanyarwanda bafite ubufatanye kandi ko ari cyo cyaranze aya matora.

Ubu bufatanye Paul Kagame yakunze kwita ubudasa bw’u Rwanda.

Dr. Ntawukuriryayo nyuma yo gutsindwa na Kagame mu matora ya 2010 yahise ajya mu Nteko ishinga amategeko umutwe wa Sena (nubu niho akiri) ndetse anatorerwa kuyiyobora n’ubwo nyuma yaje kwegura.



Ntawukuriryayo imbere y’abaturage baririmba indirimbo zirata ibigwi bya Nyakubahwa Paul Kagame wongeye gutorerwa kuyobora u Rwanda.



Yanyuzagamo agasimbuka akajya mu bicu akagaragaza ko yahimbawe.


Yabaga afite ibirango by’ishyaka rye PSD ndetse n’ibya FPR-Inkotanyi





Yabaga ari imbere mu babyina.

Yisangize Inshuti.

Ibitekerezo 3

  1. sha njye nkunda FPR uburyo ifite ingufu nubuyobozi beiza bukunda ibyiza gusa njye nayisaba ntizonjyere kwemera kuvanga nandi masyaka bajye nabo birwariza turubaka barangiza ngo turikumwe nabo nibakore abaturajye babone icyo bamariye abaturajye bareke kwihisha

Tanga Igitekerezo