EAC yamaganiye kure umugambi wa ICC mu Burundi

EAC yamaganye bikomeye umugambi w’Urukiko Mpuzamahanga Mpanabyabyaha rwa ICC wo gukurikirana Guverinoma y’u Burundi ku byaha by’inatambara byakozwe n’Ubutegetsi bw’iyi Leta muri Mata 2015 kugeza mukwezi k’Ukwakira 2017.

Umuryango wa Africa y’Iburasirazuba, EAC wamaganye itangazo ryashyizwe ahagaragara na ICC ryo gutangira gukurikirana abayobozi bagize uruhari mu byaha by’intambara byabaye mu Burundi mu myaka ibiri ishize.

Mu itangazo ryashyizwe ahagaragara n’Ibiro bya Perezida wa Tanzania, John Pombe Magufuli, ari na we uyoboye EAC riranenga bikomeye umugambi wa ICC, kuko uru rukiko rutagombaga kuza gukora iperereza mu mu Burundi rutagishije inama umuryango wa Africa y’Uburasirazuba (EAC).

Perezida Magufuli asanga uru rukiko rwarengereye mu kwinjira mu gihugu kiri muri EAC rutabanje kubyumvikana n’abawugize, kandi ko mu Burundi harimo amahoro nyuma yo kuba impunzi zaratangiye gutahuka mu gihugu ndetse n’abasigaye bakaba bari hafi gutaha mu gihugu cya bo.

Si Perezida wa Tanzania wanenze uyu mugambi wa ICC gusa, kuko na Perezida wa Uganda, Museveni asanga bidakwiye kwinjira muri uyu muryango utanyuze ku buyobozi bwa wo.

Yakomeje avuga ko ibibazo by’u Burundi biri mu nzira zo gukemuka kuko EAC yashyizeho akanama ko gukemura ibibazo byo mu Burundi kagizwe na Benjamin Mkapa na Perezida Magufuli.

Minisitiri w’Ubutabera mu gihugucy’Uburundi, Aimée Laurentine Kanyana yamaganiye kure uyu mugambi wa ICC, avuga ko nta mikoranire bashobora kugirana n’uru rukiko kuko ibibazo by’Uburundi bireba abanyagihugu gusa nkuko daily nataion dukesha iyi nkuru ikomeza ibitangaza.

Urukiko rwa ICC rwafashe ingamba zo gukurikirana ubutegetsi bwa Leta y’i Burundi ku byaha birimo iyicarubozo, gufata abana ku ngufu, gushimuta abagore ndetse n’ibindi byaha byibasiye inyokomuntu.

Imiryango mpuzamahanga ivuga ko abagera kuri 500 bishwe mu mvururu zakurikiye amatora ya Perezida wa Repubulika naho abagera ku bihumbi 400 bahungira mu bihugu by’abaturanyi.


Perezida wa Tanzania Pombe Magufuri uyoboye EAC yamaganye icyemezocya ICC

Yisangize Inshuti.

Ibitekerezo

Tanga Igitekerezo