Umupolisi w’u Rwanda yapfiriye mu butumwa muri Cetrafrika, birakekwa ko yaba yirashe

2

Polisi y’u Rwanda yatangaje ko umwe mu bapolisi bari mu butumwa bwa Loni bwo kubungabunga amahoro mu gihugu cya Centrafrika witwa Superintendent Emmanuel Musabe yitabye Imana bikaba bikekwa ko yaba yarirashe agapfa.

Iyi nkuru yatangajwe n’umuvugizi mukuru wa Polisi y’u Rwanda ACP Theos Badege avuga ko iperereza ryahise ritangira ngo hamenyekane byinshi kuri uru rupfu.

Badege kandi yavuze ko nyuma yo kumenya iyi nkuru y’urupfu rwa Nyakwigendera, Polisi yahise yihutira kubimenyesha abagize umuryango we.

Iri tangazo riragira riti: "Polisi y’u Rwanda ibabajwe no gutangaza urupfu rw’umupolisi wayo, wari mu bagize umutwe w’abapolisi boherejwe mu butumwa bw’amahoro bwa Loni mu gihugu cya Centrafrika (MINUSCA) .

Uwitabye Imana ni Superintendent Emmanuel Musabe bikekwa ko yirashe agapfa ku gica munsi cyo ku wa 3 Kanama 2017.

Polisi y’u Rwanda, MINUSCA n’izindi nzego bireba muri Centrafrika batangije iperereza rigamije kugaragaza ukuri ku byabaye, imvano y’ibi byago ndetse no gufata ingamba zikwiye kuri iki kibazo.

Umuryango we wahise umenyeshwa."

Imvururu muri Centrafrique zatangiye mu 2013 ubwo inyeshyamba z’umutwe wa Seleka zahirikaga ubutegetsi bwa François Bozize.

Muri iki gihugu ubu hariyo ingabo n’abapolisi 12,500 barimo Abanyarwanda. Izi ngabo na Polisi bashinzwe kubungabunga umutekano w’abasivili no gufasha Guverinoma iyobowe na Faustin-Archange Touadera yatowe umwaka ushize.

Yisangize Inshuti.

Ibitekerezo 2

Tanga Igitekerezo