Sobanukirwa n’icyo kurangiza ku mugore aricyo n’uburyo wabimufashamo

3

Kuri ubu, kurangiza ku bagore mu gihe cy’imibonano mpuzabitsina bisigaye ari ibintu bikunzwe cyane. Nubwo biri uku, siko byahoze mu myaka yashize kandi kutarangiza ntibyakunze kujya bibatera ipfunwe dore ko binashoboka ko benshi muri bo batari bazi ko bibaho.

Bamwe mu baganga n’abahanga mu bijyanye n’ihuzabitsina bemeza ko kuba hari abagore batakunze kugira amahirwe yo kurangiza mu gihe cy’imibonano mpuzabitsina nta kibazo byabateye haba ku mubiri no mu mibereho yabo muri rusange dore ko mu mpera z’umwaka wa 1700 hari abari bakemeza ko bitanabaho ko ahubwo ari ikintu cyahibwe kikanamamazwa n’itangazamakuru.

Muri iki gihe ibi byose byarahindutse, abaganga n’abahanga bakomeza bavuga ko ari byiza kurangiza kuko bigira byinshi bihindura mu mubiri bikaba byiza kurushaho iyo bibaye kenshi mu gihe cyose yumva abishaka.

Bimwe mu byiza byo kurangiza harimo kuba bitera amaraso kuba agenda neza mu mitsi, akaba yasinzira neza, bishobora no gufasha mu kwimara umubabaro n’agahinda.

Ese kurangiza k’umugore ni iki?

Abantu benshi ntibasobanukiwe no kurangiza k’umugore. Nyamara, ibiba mu mubiri w’umugabo iyo arangiza/asohora ni bimwe n’ibiba mu mubiri w’umugore iyo arangiza.

Mu yandi magambo, ku mugore ugiye kurangiza arimo akora imibonano mpuzabitsina habaho kwiyongera cyane k’uburyohe yumva mu mubiri bikagera aho bimurenga, akaba yatangira no gutitira,gusakuza cyane no gusukiranya amagambo bidasanzwe, aha bikaba biterwa no kuba bimwe mu bice by’imyanya ndangagitsina ye igenda ikangwa n’igitsina cy’umugabo inshuro nyinshi mu madakika make, ibi bikaba bidatandukanye n’ibiba ku bagabo iyo basohora.

Birashoboka kurangiza inshuro nyinshi mu gihe gito ku mugore…

Itandukaniro rinini riri hagati yo kurangiza kw’abagore n’abagabo ni uko nyuma yo kurangiza bwa mbere, abagore benshi bashobora kurangiza bwa kabiri ndetse n’izindi nshuro nyinshi biboroheye akenshi bikaba byaba mu gihe cy’umunota cyangwa ibiri, bikaba byanakomeza bitewe n’uwo barimo bakorana imibonano.

No mu bagore harimo itandukaniro kuko abakiri bato bashobora kurangiza kenshi cyane ugereranyije n’abagore bamaze gukura igihe cyose babishaka kandi babifashijwemo n’abakunzi babo babimenyereye dore ko ari n’ibintu umuntu ashobora kwiyigisha gahoro gahoro.

Ni byiza gutuma umugore aryoherwa birenze

Ku bagabo ikintu cy’ingenzi bakagombye kwitaho cyane ni uko umugore agera aho yumva uburyohe birenze atari uko bahatirije nkuko bikunze kugenda ku bagabo muri rusange. Biroroha cyane ku bagabo kugira ngo arangize iyo akora imibonano mpuzabitsina kabone niyo yaba adakunda uwo barimo bayikorana.

Mu miterere y’abagore siko bameze kuko kugira ngo bibeho bisaba ko umugore yumva ari mu gihe cyiza, agiye kubikorana n’uwo yiyumvamo, kuba yumva ashakwa kandi akunzwe no kuba azi ko uwo bagiye kuryamana afite ubumenyi buhagije bwo kugira ngo aryoherwe.

Niba uri umugabo, ni byiza guhora wibuka ko gushyira igitsina cyawe mu cy’umugore byonyine atari byo byonyine bimutera kuba yakumva uburyohe burenze. Ibishobora gukorwa muri iki gihe kugira ngo bigerweho ni byinshi, kandi urabizi ni uko utabiha agaciro ukibwira ko igitsina cyawe gusa gihagije, wibuke ko mu gihe utateguye umugore wawe udakwiye kumutegerezaho kurangiza kuko watumye atangira ibyo atariyumvamo.

Uku kumufasha kuryoherwa birenze, akaba aribyo bikuraza inshinga mu gihe cy’imibonano nibyo bizatuma abasha kurangiza.

Ibyo wakora utegura umugore wawe ni byinshi, fata akanya ubitekerezeho urabibona ubundi utangire kubimukorera kuva none urebe ngo akanyamuneza mu rugo karazamuka.

Mugabo aho uri hose, niba mu buriri udashobora guha umukunzi wawe ibyiza nk’ibi maze kuvuga haruguru, ntuzoroherwa no gutuma aryoherwa akaba yanarangiza, ibi kandi bikunze kubyara ibibazo byinshi mungo harimo no gusenyuka kwa zimwe.

Yisangize Inshuti.

Ibitekerezo 3

  1. njye mumpe urutonde rwabo nswera bakarangiza inshuro enye mwijoro rimwe !contact zanjye!0788501577!nta frw nsaba

  2. Gato@ ubushakashatsi babukoze bwiza.wowe se ubanenze ushingiye kuki? makuruki mwakoze kuriyi nyigisho muzayikore muri series muzaba mufashije couples nyinshi.

  3. Ubushakashatsi bwanyu ni 0. Abagore ni ryari batarangije. Kera ahubwo abashakanye niho babaga bafite umwanya wo guhuza urugwiro; naho ubu kuberako bose bihugiyeho, kurangiza biragorana

Tanga Igitekerezo