Kwamamaza

URUKUNDO

Uwo rushatse ruramusanga (Igice Gisoza)

Yanditswe

kuya

Uwo rushatse ruramusanga (Igice Gisoza)


Mu gice giheruka (kanda HANO ugisome) Cyusa akomeje imigambi mibisha yo gushaka ukoyafatanya na Media kwica ubukwe bwa Esther na Micheal agamije kwigarurira umutima wa Esther, Ese iyi migambi azayigeraho cyangwa urukundo ruzatsinda? Media se we azakomeza kwitambika mu rukundo rwa mukuru we kugeza ryari? Kurikira igice gisoza!!!

Ku mugoroba umuryango w’iwabo wa Esther na Media wari uteraniye hamwe maze papa wabo arababwira ati:"noneho rero Media yatubwira icyo ejo yashakaga kuvuga!" ariko Media arababwira ati:"icyo navuga cyo ni uko nishimiye ko mukuru wanjye agiye kutwereka ikirori,kandi rwose namwifuriza ishya n’ihirwe!" nuko Esther aramusubiza ati:"urakoze muvandi kandi nanjye usibye kuba nishimira umukunzi wanjye nishimiye no kubona umuvandimwe wanjye anyifuriza ibyiza!"

Ariko papa wabo aravuga ati:"Media wishaka kumbeshya kandi ibyo ejo wari wemeye gukora urabizi!" maze Media ahita avuga ati:"niba ari ukumusaba imbabazi ntabwo nabikora aka kanya kuko aho gutema amashami y’igiti warandura imizi yacyo, ubwo rero mwambabarira ibyo tukazabisubiraho ubutaha!" ariko Esther ahita avuga ati:"gusa nan’ubu sindumva imikino mwanyinjijemo!" nuko Telephone ya Esther ahita isona yitabye yumva ni Leila ahita ambubwira ati:"ngwino wite kumurwayi wawe ndabona ameze nabi!"

Esther yavuye iwabo yirukanka maze ageze iwabo wa Leila na Micheal atungurwa no gusanga Micheal yicaye muri salo yiganirira na mushikiwe (Leila) nuko amaze kwinjira abaza Leila ati:"Leila wankoze ibiki koko ?" arongera ati:" uzi ko nashoboraga gukora impanuka kubera umukunzi?" ariko Michel n’ijwi rituje aramubwira ati:"Esther babarira Leila kandi unambabarire kuko ibyo yakoze ari njye wabimusabye!"Ariko Esther aramusubiza ati:"ntabwo nakubabarira utambwiye impamvu wahangaye kunkura umutima bigeze aha!" nuko Micheal arahaguruka amufata ibiganza byombi maze aramwicaza nuko amureba mumaso aramubaza ati:"Esther urankunda?" maze Esther aramusubiza ati:"Micheal naragukunze,ndagukunda kandi nzagukunda kandi ninayo mpamvu naje kureba uko umerewe igihe bari bambwiye ko umeze nabi!"

Micheal yahise amufata akaboko amujyana hanze buhoro buhoro amwinjiza mu modoka yari iparitse hanze maze aramusohokana nuko bageze aho yari amujyanye baricara nuko Esther aramubaza ati:"Honey ahantu nk’aha wahabwiwe n’iki koko?" ariko Micheal aramusubiza ati:"namaze igihe kirekire narabuze uwambera icyuzuzo cy’ibyishimo byanjye none igihe muboneye nabuzwa n’iki kumujyana ahantu hamubereye kandi hamukwiriye!"

Esther yakomeje kuganira na Micheal basa n’abibagiwe gutaha nuko Micheal abwira Esther ati:"Honey,reka nkubwire:"nasobanukiwe ko urukundo rusanga uwo rushatse ndetse agakunda uwo ashatse ubwo namenyaga ko unkunda ndetse ukirengagiza imibereho yanjye yo mugihe cy’uburwayi bwanjye, ni na yo mpamvu narahiriye ko uko ndinda imboni y’ishisho ryanye ari ko nzakurinda kugirango nkwiture uko warinze ubuzima bwanjye none ukaba wongeyeho kunyiha wese none reka nanjye nzangukunda kandi ruhore rwiyongera uko iminsi itashye!"

Esther na we yahise amubwira ati:"Micheal,uzi neza ko umuntu atunga umutima umwe, ubwo rero ndagirango ngusezeranye ko uwo mfite atari uwa rubanda rwose ahubwo nawugusukuriye kandi nywugutegurira ngo uwuturemo!" Micheal yongeye kumubwira ati:"Esther reka nkubwire ko nindamuka ntakaje n’isegonda rimwe ntagukunda Imana izabifate nk’icyaha kandi izakimpanire bikomeye kuko nzaba nirengagije inshingano!"

Ku rundi ruhande Media na we yari yasuye Cyusa, nuko bari kuganira Media abwira Cyusa ati:"Cyusa ubu noneho niko kanya ngo dusubize amaso inyuma maze dufate icyemezo gikwiye inzira zikigendwa!" ariko Cyusa aramubwira ati:"njyewe ntabwo numva ibyo ushaka kumbwira!" arongera ati:"Media ndakwinginze reka kuvugira mu migani umbwire icyo ushaka kuvuga kandi niteguye kugutega amatwi kuko nzi neza ko inama zawe ziba ari ingirakamaro!"

Ubwo Media yakomeje amubwira ati:"Cyusa twagerageje guhagarika ndetse no kwitambika umubano wa Esther na Micheal ariko aho bigeze urabona ko tumaze gutsindwa!" akomeza agira ati:"ubwo rero numvaga ari cyo gihe kugirango tubasabe imbabazi kandi nawe by’umwihariko usabe imbabazi Paccy kuko wamuhemukiye ndetse ntuhe agaciro urukundo yagukundaga!" ariko Cyusa ahita amubwira ati:"Okay,birumvikana ko wangambaniye kuko ndumva waramaze kubiyungaho!"

Ariko Media aramusubiza ati:"Cyusa ntacyo ntakoze ngo ntandukanye Esther na Micheal Pe! Ariko biranze urukundo ruratsinze! reba nawe nangije ibikoresho byo muri salo y’iwacu ngerageza kubyitambikamo mbinyujije no kurwego rw’umuryango ariko byaranze, ubwo rero twari dukwiriye kumenya ko icyo Imana yifatanyirije ntawagitandukanya kandi ikindi nuko urukundo rutagurwa!"akomeza agira ati:"wowe maze kukumenyesha icyemezo nafashe ubu noneho ngiye gusaba imbabazi Paccy kuko nakomeje kumugambanira nshaka ko ukundana na Esther kandi nimara kumusaba imbabazi ndasoreza kuri Esther na Micheal!" maze ahita ahaguruka arigendera!!

Media yageze iwabo asanga na Esther yahageze nuko nk’abagize umuryango batangira kuganira maze Media arababwira ati:"ndumva noneho nagira icyo mbabwira kucyo mwambazaga nkabihorera!" nuko Papa Wabo aramubaza ati:"noneho se igiti wamaze kukiranduraho imizi?" akomeza agira ati:"reka tugutege amatwi wasanga udufitiye ubutumwa tukaba ntacyo tubiziho!" nuko Media akomeza aira ati:"erega ntabwo kwari ukubasuzugura ahubwo nangaga gutangirira ibintu hagati!"

Media yageze kwa Paccy maze amubwiye uko ibintu bihagaze yishimira ko Cyusa agiye kuva ku izima noneho akemera gukundana na we, nubwo Media yibwiraga ko Paccy atazababarira, Paccy we urukundo yakundaga Cyusa rwatumye atumva uburemere bw’ibyo yamukoreye ahubwo ibyishimo biramusaga ndetse ababarira Cyusa mbere yuko anamusaba imbabazi.

Akomeza agira ati:"Ubu tuvugana mvuye gusaba imbabazi Paccy kuko yakundaga Cyusa nkarenga ngashaka kumuca intege kuko nashakaga ko Cyusa yakundana na Esther. Nabonaga Esther azagera aho agakunda Cyusa, ngiyo impamvu nasabye imbabazi Paccy !" akomeza agira ati:"ubu rero mboneyeho umwanya wo gusaba imbabazi umuvandimwe wanjye Esther kuko naharabitse umukunzi we kandi mubeshyera ni ukuri nabiterwaga n’amafaranga nahabwaga na Cyusa!"Akomeza agira ati:"mboneyeho kandi gusaba imbabazi umuryango kuko nangije ibikoresho duhuriyeho ngamije gusa gusenya urukundo rwa Esther na Micheal. Gusa nasobanukiwe ko urukundo rukora ibyo rushatse kandi rusanga uwo rushatse, ubwo rero ndahiriye imbere yanyu ko nzanasaba imabazi Micheal ndetse na Leila mushiki we kandi na kera imiryango yacu yari ibanye neza!" nuko Papa wabo ahita amubwira ati:"mwana wanjye noneho nsobanukiwe ko umaze kuba umuntu uzi ubwenge, none rero ndumva ntacyambuza kukubabarira!"

Ariko Papa wabo akomeza agira ati:"n’ubwo nkubabariye ariko reka tubanze twumve icyo mukuru wawe (Esther) abivugaho!" ubwo Esther yahise avuga ati:"njye nan’ubu ntabwo nari nzi uko bimeze ahubwo nibwiraga ko ari ubwana bubigutera gusa ndumva nta mpamvu yatuma utababarirwa muvandimwe wanjye kandi nzi ko na Micheal nabyumva ntakizamubuza kukubabarira kuko na kera kose ntabwo ari umuntu mubi!" ubwo bakomeje kwiganirira ibyishimo ari byose nuko Papa wabo aramubaza ati:" Ese ko ntacyo numva utubwira kuri gahunda yo kubana kwanyu ubona umuntu adakeneye kubona umuryango waguka!"

Esther yahise ababwira ko aherutse gusohokana n’umukunzi we ndetse ko banamaze gufata umwanzuro wo kubana bitarenze amezi atatu. Esther yabwiye Papa we ko ari cyo gihe cyo kubwira abanyamuryango bakitegura kumushyingirana n’uwo yihebeye, Ati: “Muhumure twe twamaze gufata umwanzuro wo kubana bitarenze a mezi atatu ari imbere, ndashaka kwereka ababona ko ntaberanye na Michael ko urukundo rusanga uwo rushatse!!”

Cyusa aho yari yicaye iwe mu rugo yakomeje kwibaza kumagambo Media yamubwiye nuko atangira kwivugisha agira ati:"ubu koko n’imvune nagize niruka inyuma ya Esther none aranyanze!" akomeza agira ati:"ubu koko igisebo nzagira Media nabibwira Paccy nzagikwiza hehe? icyampa ntabimubwire kuko noneho ndasebye!" Ikigaragara ni uko nanjye nkwiye kuva ku izima nkareka abikundaniye bagakomeza gukundana.

Arongera ati:"Burya koko inzira ntibwira umugenzi! Iyo nza kumenya iherezo ry’intambara narwanye ngo mbone Esther mba nararetse kumwirukanka inyuma ngakundana na Paccy wankundaga urudashira. Gusa reka mfate icyemezo cya kigabo njye kumusaba imbabazi kandi nantera indobo ninjye uzaba narabyiteye sinzamurenganya!" ntakundi reka nsabe imbabazi nibyo byerekana ubumuntu! Gusa burya umuhanzi yabiririmbye ukuri ngo urukundo uwo rushatse ruramusanga!"

Ntimuzacikwe n’igice kizakurikira

Yanditse

IBITEKEREZO

  1. Ntimuzacikwe n’igice kizakurikira
    Aya magambo yatumye tugira amatsiko none yaheze mu kiretse.Ubwose kizaza ryari!

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza