Kwamamaza

URUKUNDO

Uwo rushatse ruramusanga (Igice cya Gatanu)

Yanditswe

kuya

Uwo rushatse ruramusanga (Igice cya Gatanu)

Mu gice cya Kane (Kanda HANOugisome) twasize Paccy asohotse mu bitaro yiruka avuga ko hari ikintu agiye gukora, Ese icyo cyari igiki? Reka tubyumve muri iki gice.

Micheal yakomeje kwitabwaho na Esther nk’uko yari yarabisabwe n’umuyobozi mukuru w’ibitaro yakoragaho,gusa akibanda kugutega amatwi Micheal ndetse akamuba hafi nk’uko bigomba ku buryo Micheal yatangiye kugarura ibitekerezo ndetse anatangira gutekereza ku buryo yafatanyaga na mushikiwe (Leila) kongera gukora business bari barasigiwe n’ababyeyi babo, ariko abandi baganga bamusaba kuba atuje kugirango aruhuke kuko babonaga atameze neza.

Umunsi umwe ari mu mpera z’icyumweru (weekend) Paccy yasuye Cyusa nuko baraganira. Ubwo Paccy Cyusa Cyusa ati:"Cher,ko mbona utameze neza uri gutekereza ibiki?" ariko Cyusa amusubiza ko nta kibazo afite,nuko Paccy aramubwira ati:"Cyusa hashize igihe kinini nkwirukaho ariko uko ukebutse inyuma ukabona ari njye ukwirukaho urushaho kongera umuvuduko,gusa naje kukumenyesha ko ntazigera mpagarika kukwirukaho keretse..........." atarakomeza Cyusa ahita amubwira ati:"Paccy ceceka nkubwire!"

Nuko Cyusa aramubwira ati:"Paccy nkubaze uransubiza?" nuko Paccy azunguza umutwe yemera!" maze Cyusa aramubwira ati:"Paccy nta mukobwa n’umwe mushobora guhuza ubwiza ndetse n’ubwitonzi muri iyi si nk’uko nta musore n’umwe utakwishimira gukundana na we keretse umusazi!" arongera ati:"none kuki wakomeza kwiruka inyuma y’umusazi nkanjye?"

Paccy akimara kumva ayo magambo yahise amusubiza ati:"nubwo wanshiye mu ijambo nashakaga kukubwira ko nzakwirukaho kugeza nguye kandi ningwa nzahaguruka nihanagureho umukungugu nkomeze nkwirukeho nk’uko nimvunika nziyungisha kugirango ubone ko nakwirutseho mfite ubushake n’intego!"

Cyusa yongeye kumwitegereza maze aramubwira ati:"nafashe igihe kinini cyo gutekereza kandi nzi neza ko ntari mu buyobe kandi niba ndi umusazi ndamaze!" maze n’amarira abunga mumaso Paccy abwira Cyusa ati:"iyaba wari uzi ko uwo wirirwa wirukaho ndetse ukamutakazaho umwanya n’ibitekerezo byawe yikundira umusazi!" maze Cyusa ashigukira hejuru ahita amubwira ati:"Paccy ceceka aho cyangwa ngucemo ibice!"

Paccy yahise afata Telephone ye maze ashyiramo ibiganiro yari aherutse kugirana na Esther nuko Cyusa atungurwa no kumva ko burya Esther yagiye kwiga hanze kubera kumuhunga kuko yari yaramubwiye kenshi ko atamukunda maze ahita avuga ati:"oya uyu ntabwo ari Esther wakora ibi n’igihe cyose nahereye mubwira ndetse mwereka ko namukunze!"Ariko noneho Paccy ahita yongera amwereka amashusho (video) yafashe ubwo Micheal yamuhoberaga amwita cherie,nuko Cyusa abuze uko agira ahita ahaguruka afata Paccy ukuboko aramubwira ati:"Paccy nsohokera mu rugo kuko ibyo unkoreye ndabona ari agahomamunwa!" maze Paccy kuko yabonaga Cyusa arakaye Cyane arahaguruka arigendera.

Esher yakomeje kujya yitemberanira na Micheal ari nako amubaza utubazo twinshi two kumugerageza ngo arebe ko yakize maze Esther aramubwira ati:"Micheal!" undi aritaba niko kumubwira ati:" urabona ko uri kugenda ukira? ngaho mbwira icyo uzakora nitumara kugusezerera mbese ugeze mu rugo nta muganga ugifite wo kwirirwa akureba ndetse anakugenzura!"

Nuko Micheal aramwitegereza ariko ntiyagira icyo avuga, Esther yongera kumubaza icyo kibazo ariko noneho Micheal aramusubiza ati:"ibyo rwose sinabyemera kuko nzi ko ndamutse mvuye hano nakongera nkaremba! ubwo rero sinzigera mva hano!" ariko Esther aramubwira ati:"ugomba kuva hano ukajya gushaka ukuntu ukora ibikorwa byaguteza imbere kuko hano kwa muganga siho wagenewe gutura!" nuko Micheal aramwitegereza aramubwira ati:"Muga unyemerere ngire icyo nkwisabira!"

Ariko Esther aramubwira ati:"mbere y’uko ugira icyo unyisabira reka mbanze ngusabe ko uzajya umpamagara izina ryanjye ariryo Esther kuko ndabizi ko ubyirengagiza kandi ubizi!" nuko Micheal aramuhamagara ati:"Esther nagiragango ngusabe ko wanshakira akazi hano nashaka nkajya nkoropa ariko simpave kuko nanjye namaze kwishimira kugumana nawe kandi nubyanga nzongera ndware kuko navumbuye ko umuti wanjye ari wowe!" ariko Esther araseka yumvise amusaba kumushakira akazi ko gukoropa, niko kumusubiza ati:"ahubwo se uwazajya agusura kenshi aho kugirango ugume hano kwa muganga?" nuko Micheal aramusubiza ati:" icyo nshaka nuko ugomba kumba hafi uko umushumba yita ku nka aragiye kandi ukandinda nk’uko umuntu arinda imboni y’ijisho rye!"

Media ageze iwabo yatangiye kuganira na Papa we ariko yamureba akabona Media atishimye maze aramubaza ati:"Media mwana wanjye kuki mbona ubabaye?" nuko Media ahita amusubiza ati:"Byose byatewe n’umukobwa wawe Esther utangiye kugenda atesha agaciro umuryango ndetse asebya akazi akora !" maze papa we ahita amubaza asa n’utangaye ati:"Esther yakoze ikise?" Media atangira kumubwira ati:"ibyo yakoze sinzi aho nahera mbikubwira kuko njyewe byambabaje!" akivuga atyo bumva umuntu arakomanze maze Media ahaguruka agiye gukingura maze akinguye basanga ni Esther ari kumwe na Micheal nuko barinjira maze papa wa Media ahita amubaza ati:"Esther uwo ni inde muri kumwe?" ariko ataragira icyo avuga Media ahita ahaguruka arigendera.

Esther yamaze kwicara maze ahita abaza papa we ati:"nonese papa uyu ntabwo umuzi?" na we aramusubiza ati:"ndabona amaso atari aya ariko ntabwo mwibuka ahubwo wambwira!" nuko Esther aramubwira ati:"uyu ni Micheal musaza wa Leila akaba ari na we nakubwiraga umuyobozi wanjye yanshinze kwitaho by’umwihariko!"Akomeza agira ati:"ubu rero kubera ko atangiye gukira ndi kumutembereza kugirango amenyerane n’abo hanze maze azabone gusezererwa !" umusaza yitegereje Micheal maze aramubwira ati:"Burya sha ni wowe umaze igihe mu bitaro!" arongera ati:"ariko Imana ishimwe yo igukijije!"

Akomeza agira ati:"rero wa mwanawe umbabarire kuba ntaragusuye kwa muganga kandi ababyeyi bawe twari inshuti, gusa nyine nahoraga ntegura kugusura ariko bikanga!" nuko Micheal aramusubiza ati:"ntakibazo kuko mubuzima ibyo bibaho kandi mboneyeho umwanya wo gushimira byimazeyo umukobwa wawe Esther we wanyitayeho kugeza ubu umbona gutya!"

Ariko Esther ahita amubwira ati:"Micheal si ngombwa ko unshimira kuko ibyo nakoze zari inshingano zanjye !" nuko Micheal aramusubiza ati:"Esther nubwo nari ndwaye nzi neza umuhate wakoresheje kandi ndacyazirikana amarira wariraga umvura nubwo bwose ukibwira ko ntabimenye ariko hari nubwo nabonaga uje nkisinziriza kugirango ntakomeza kukubona urira!"

Papa wa Esther yahise ahaguruka asezera kuri Micheal aramubwira ati:"hari inama natumiwemo ubwo rero sinshoboye kugumana namwe, abwira Miceal ati kandi unsuhuhurize mushiki wawe ikindi kandi nimugira ikibazo inshuti turahari ngo tubafashe!" nuko aragenda gusa akimara kugenda Esther ahita amubwira ati:"sha unkojeje isoni imbere ya papa!"Ariko Micheal aramusubiza ati:"nonese ntavugiye imbere y’umubyeyi wawe ibyiza wankoreye ngo amenye ko yabyaye umuntu atari igisimba nabivugira imbere yande?" nuko Esther aramusubiza ati:"wabivugira imbere y’Imana kandi umutima ushima urahagije si ngombwa ngo wirirwe ubibwira abantu bose!"

Micheal ahita amubwira ati:"basi niba byakubabaje mbabarira kandi sinzabyongera !" ariko Esther aseka aramubwira ati:"oya ntabwo byambabaje ahubwo nangagako papa amenya ibyo nakoze!" Micheal aramusubiza ati:"usibye na papa wawe nzabivuga isi yose ibimenye kuko ntigeze mbona umuntu wirengagiza amagambo y’abamubona agakora nk’ibyo wakoze!" maze Esther aramusubiza ati:"erega ziriya zari inshingano zanjye, ubwo rero sinumva impamvu ubigira birebire!" nuko Micheal aramusubiza ati:"nanjye ndabizi ko ari inshingano niyo mpamvu mbona nawe ukwiye agahimbazamusyi kandi ntawundi wakaguha usibye njyewe !"

Media yahise asohoka mucyumba aho yari yinjiye igihe yabakinguriraga maze ahagarara mumuryango arinanura nuko Esther aramubaza ati:"ariko urakangutse?" maze na we aramusubiza ati:"wowe n’umurwayi wawe se mwari kuba mwankundiye?" arongera ati:"mbabajwe n’umwana w’abandi ukomeje kurwaza umutima ndetse n’umwanya ukomeje gutakaza kubidafite umumaro!"

Micheal yahise amubwira ati:"ntamutima andwaza kandi mbona ibyo ankorera atari ugutakaza umwanya kuko avomera imyaka ikura!" Media akimara kumva ayo magambo yahise asa n’usohoka ariko aragaruka maze ahagarara imbere yabo bombi nuko abwira Micheal ati:"ariko ubundi ni inde wakubwiye ko ari wowe nabwiraga!"

Akomeza agira ati:"ubundi ko mperuka uba kwa muganga wageze hano ute?" akomeza agira ati:"cyangwa wanduje n’uwo muri kumwe ibisazi? mbese mwagizengo mwageze ikuzimu hamwe washakaga kwigira!"

Esther yumvise ayo magambo yahise ahagurukana umujinya abwira Media ati:"nta n’isoni ugahangara kuvuga amagambo ameze atyo imbere y’umurwayi koko?" agenda agiye kumusumira ngo barwane ariko Micheal abitambika hagati ababuza kurwana nuko arababwira ati:"simbe ikibazo kandi simbe impamvu yo gutuma abavandimwe bashaka gushwana!" ahaguruka agiye kwigendera nuko na Esther ahita amukurikira gusa bakimara kugenda Media ahita amenagura ibintu byose byari biteguye muri Salo iwabo na we arasohoka arigendera.

Ntimuzacikwe n’igice kizakurikira....

Yanditswe na Ndayisaba Simeon

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza