Kwamamaza

URUKUNDO

Uwo rushatse ruramusanga (Igice cya Karindwi)

Yanditswe

kuya

Uwo rushatse ruramusanga (Igice cya Karindwi)

Mu gice cya Gatandatu (Kanda HANO ugisome) twasize Papa wa Media na Esther atunguwe no kumva ko Esther akundana na Micheal. Kurikirana uko byakomeje kugenda.......

Micheal amaze gusezererwa kwa muganga yatangiye ibikorwa byo kwiteza imbere ari nako ateza imbere business z’ababyeyi babo babasigiye we na Leila nuko mu gihe barimo bashyira ibicuruzwa bari baranguye muri stock Micheal aranyerera agile kugwa Leila amutega uruhombo yari afite muntoki maze ntiyagwa nuko arakebuka aramubwira ati:"erega si uyumunsi untabaye wonyine ahubwo wananyihanganiye igihe nari uwo gutabwa!"

Leila yaramusubije ati:"MIcheal muvandimwe wanjye uzi neza ko ari wowe wenyine nsigaranye nk’umuvandimwe ndetse n’umubyeyi ni na yo mpamvu ngomba gukora ibishoboka byose ngo musaza wanjye rukumbi adahungabana!" maze Micheal ahita aseka nuko abwira Leila ati:" Ese ko numva untera imitoma ndi musaza wawe buriya umukunzi wawe umutera ingana iki?"

Leila aramusubiza ati:" Wishaka gukabya nawe, ibyo ni ibisanzwe. Ahubwo nyibwirira aho ibyawe na Esther bigeze!" maze Micheal ameze nk’utangaye ahita amubaza ati:"Esther wuhe?" ariko Leila ahita amubwira ati:"Micheal wikwigiza nkana kuko uramuzi kandi uranabizi ko yagukunze ariko ukanga kugira icyo umubwira ndetse n’igihe yari ari mumahanga yiga yahoraga akumbaza kandi uzirikane ko yakwitayeho igihe wari urwaye!"

Micheal yasetseho gake maze asubiza Leila ati:"Reka nkubwire Leila!" akomeza agira ati:"Yarankunze ndabibona kandi nanjye naramukundaga gusa nabonaga igihe atari icyo kuko hari byinshi numvaga nshaka kubanza kugeraho ariko ubu ndumva nari nkwiriye kumwitura urwo yankunze usibye ko mfite ubwoba bw’uko azantera indobo kuko hari ibigambo nagiye mvuga ndetse n’ibikorwa nagiye nkora igihe nari narasaze! Ubanza yaranzinutswe pe, cyangwa akaba yaterwa ipfunwe no gukundana na njye"

Ariko Leila aramusubiza ati:"Njyewe ndabyiyiziye ko akigukunda kuko n’igihe wari urwaye hari umukobwa waje kumutuka ngo agiye kumutwarira umuhungu bakundana ariko we yamusubije ko adateze kumutwara ngo kuko uwe yakunze natamukunda azarinda apfa atongeye gukunda kandi uwo ntawundi ni wowe!" Micheal yakomeje kwiyumvira nuko bigeze aho aramubwira ati:"ahubwo se ntamwituye ineza yangiriye nazitura nde?"

Micheal yakomeje agira ati:"Esther ni umukobwa mwiza kandi w’ikitegererezo,ni umukobwa utiyemera kandi nta muhungu utakwifuza kumugira inshuti,ubwo rero reka mwiture urwo yankunze kandi mukunde urutavangiye kuko atigeze amvaho n’igihe nari navangiwe nsa naho ntari uwo kwitabwaho!" maze Leila ahita amubwira atiAhubwo ntuzabure ubwenge!" maze Micheal ahita amubwira ati:"ahubwo reka dukore akazi ejo tutaziba kandi ababyeyi bacu bari intwari! Naho uriya mukobwa we Imana nimumpa sinzamwitesha!"

Igitondo kimwe mumasaha ya saa yine Cyusa yari yicaye iwe kuko yari yaraye izamu nuko agiye kumva yumva umuntu arakomanze maze akinguye abona ni Media maze amuha karibu ahita amubaza ati:"ko utashye hakiri kare?" nuko Media aramusubiza ati:" nangaga ko Paccy yamenya aho ngiye kandi nje kugirango njye nawe turangizanye gahunda kuko urabizi ko nakoze ibyo nagombaga gukora byose!"

Cyusa yahise asubiza Media ati:"Media reka ngusinyire aga sheke (cheque) ujye kuyabikuza kuko ndabona nubwo Esther akomeje kunkwepa ariko bizavamo!" nuko arayisinya ariko amaze kuyisinya Media aramubaza ati:"ariko buriya ubona bizakunda ko mbona Esther akomeje kwiboha kuri uriya musazi?" maze Cyusa aramusubiza ati:"sha nanjye yari anyirengeje mubwiye ko uriya muhungu ari umusazi!"

Nuko Media aramubaza ati:" nonese dukore iki?" ariko Cyusa aramusubiza ati:"njyewe ndacyeka ko atari urukundo ahubwo akomeza kugenda amubeshya ko amukunda kugirango abanze yoroherwe kuko Esther ntabwo ari uwo gukunda n’uriya musazi!" ariko Media aramusubiza ati:"nyamara urukundo ni impumyi!" nuko Cyusa aravuga ati:"naramuka akunze Micheal nzamwihorera ubwo n’ubundi azaba ari umusazi nk’uwo azaba yakunze!"

Amasaha yakomeje kugenda nuko ku mugoroba Esther ari murugo hamwe na Media ndetse na Papa wabo maze batangira kwiganirira maze papa Wabo arababwira ati:" nasuye ba bana nsanga batangiye gukora kandi ubona ko baziteza imbere kuko ubona ko bakurikije ababyeyi babo!" maze Media ahita amubaza ati:"ba nde?" nuko muzehe aramusubiza ati:" navuze Micheal na mushikiwe!"Nuko Media aramubaza ati:"Micheal ameze ate se?" arongera ati:"ubuse ntagisaragurika?" Muzehe aramusubiza ati:"ariko usibye ikibazo cya Cotard delusion yagize wagizengo ubundi Micheal yigeze agira ikindi kibazo?" yongeraho ati:"erega yaravuwe kandi yarakize!" ariko Media ahita avuga ati:"numvaga niba yaranakize atararuhuka kuburyo yahita atangira imirimo y’ubucuruzi n’uburyo itesha umutwe!"

Esther arababwira ati:" abaganga bemeje ko yakize, ubwo rero ndumva nta mpamvu yatuma adatangira gukora kuko ntan’indwara yihariye yari arwaye!" nuko papa wabo ahita avuga ati:"ahubwo mutumye nibuka!" Esther aramubaza ati: wibutse iki?" arababaza ati:"Ese nan’ubu ntimuramenya umuntu wanyangiririje ibikoresho byo munzu?"

ariko Esther yirebera hasi ndetse na Media ntiyagira icyo avuga!"Papa wabo arababaza ati:"bana banjye nimumbwire niyo yaba umwe muri mwe namubabarira kandi ntidukwiye gushakira ahandi kuko nitwe twenyine ndetse n’umukozi tuba muri uru rugo!" Nanone Media aravuga ati:" none se kuki ataba uwo mukozi?" ariko muzehe aramusubiza ati:"nonese aretse kuba Micheal ahinduka umukozi?" nuko Media ahita avuga ati:" oya ahubwo nashakaga kuvuga ko wabaza umukozi ahari we ashobora kuba yavuga ukamwumva!"

Ariko Esther ahita avuga ati:"nonese niba ibyo uvuga wumva ari ukuri kuki wumva ushaka gutanga abagabo?" ariko muzehe abitegereza bombi maze arababwira ati:"mwembi muri abana banjye kandi nzi neza uko muteye ubwo rero nimugende mwambare imyenda mwari mwambaye ubwo salo yanjye yangirikaga ndababwira uko byagenze kandi mbabwire n’uvugisha ukuri muri mwe! nuko bombi barahaguruka baragenda!"

Ntibyatinze baragarutse maze arababwira ati:"nimuhagarare hariya mbitegereze ndaje mbabwire uko byose byagenze!" nuko Bose bahagararana ubwoba ndetse batangira gutengurwa..........maze nawe arababwira ati:"nimuhumure umunyamakosa aramenyekana!"

Igitondo kimwe Media yabyutse akererewe maze atangira kwitegura kujya kukazi nuko amaze kwitegura asanga Papa we yicaye muri Salo nuko araza amwicara iruhande nuko aramubwira ati:"Papa hari icyo nashakaga kukubwira !" nuko papa we aramwitegereza maze aramubaza ati:"urashaka kumbwira iki?"Media yatangiye amubwira ati:"Papa natangajwe n’ubushishozi ndetse n’ubwenge wakoresheje kandi ndushaho kunezezwa n’imababazi wangiriye nyuma yo kuvumbura amakosa yanjye, kubw’ibyo rero nkaba nifuzaga ......!" atarakomeza Papa we ahita amubaza ati:"noneho urumva ushaga kugira icyo wongeraho kubyo wakoze?"

Media aramusubiza ati:"Nashakaga gusaba imbabazi by’umwihariko kubyo nakoze nkanaboneraho kukubwira ukagira inama Esther kuko ibyo nakoze naharaniraga icyubahira ndetse n’ikuzo ry’umuryango!" maze muzehe aramusubiza ati:"icyo gusaba imbabazi ndacyumva kandi nina byiza niba wamaze gusubiza ubwenge ku gihe kandi ugasobanukirwa amakosa yawe!"Umusaza yakomeje kumubwira ati:"ariko na n’ubu sindasobanukirwa uburyo uhangara kuvugako wangirije ibikoresho by’umuryango kandi ukongera uti:"naharaniraga icyubahiro ndetse n’ikuzo ry’umuryango!" akomeza agira ati:"ngaho binsobanurire neza mbyumve!"

Media yatangiye amubwira ati:"Papa urabiziko ababyeyi ba Leila musaza wa Micheal bapfiriye mu mpanuka kandi usobanukiwe neza ko Micheal yaje gusara ahita ajyanwa mu bitaro none.......!" nanone umusaza amuca mu ijambo maze aramubwira ati:"nonese ibyo bihurirahe no kumena ibikoresho by’umuryango dukoresha twese?"

Umusaza akomeza amubwira ati:"zirikana ko iyo ntaza gusanga agatambaro kari kacitse ku ikanzu yawe kafashwe muntebe imwe muzo munzu icyaha byange bikunde cyari gufata Micheal none kaki ukomeje kwikoma uwo mwana w’abaandi umuzana muri gahunda z’umuryango wanjye?" ariko Media aramusubiza ati:"nyamara rero si ukumwikoma ahubwo urumva impamvu akomeza kugaruka mubyo ndi kuvuga!"

Media yakomeje kubwira umusaza ati:"ubwo rero ikindi nashakaga kuvuga ni kuko biriya nabikoze nshaka gutandukanya Esther na Micheal!" ariko umusaza yisekera aramubaza ati:"nonese wowe uri muntuki utandukanya umurwayi na muganga?" ariko Media aramusubiza ati:" oya si umurwayi na muganga kuko byamaze kurenga urwo rwego! " akomeza agira ati:" ese sinakubwiyeko Esther na Micheal bakundana?"

Ariko umusaza asa n’utangaye ahita amubaza ati:"ugizengo Esther na Micheal bakundana !" akomeza agira ati:"oya Esther umwana wanjye ntabwo yabikora njyewe ndabyiyiziye ntabwo yakundana na Micheal!" ariko Media aramubwira ati:"ubwo rero numvaga byaba ari ugutesha agaciro umuryango wacu kandi twiyubashye niyo mpamvu nabirwanyije !" ariko umusaza aramusubiza ati:"umva nkubwire njye ndumva ntakosa Esther afite ahubwo ukwiriye kumusaba imbabazi!"Media yahise amubwira ati:" nibwiragako ugiye kunshyigikira none uri kundwanya?"

Ariko umusaza aramusubiza ati:"nibwiragako Esther atakemera Micheal none niba bikundanira kaki ushaka kubirwanya?" akomeza agira ati:"wivuga uko bameze ahubwo wakagombye kumenya ko n’ubukungu dufite ari ukubera papa Micheal wagendaga atuguriza tukabasha kwiteza imbere!" umusza arongera ati:"ahubwo umenye ko ngukeneye nimugoroba kugirango usabe Esther imbabazi!"

Media ntiyigeze ashimishwa no kumva Papa we ashyigikiye ko Micheal na Esther bakomeza gukundana ndetse yavuye mu rugo agambirira mu mutima we gukomeza kubarwanya kugeza abatanyije.

Ntimuzacikwe n’igice kizakurikira...

Yanditswe na Ndayisaba Simeon

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza