Ibintu wakora kugira ngo ugire amenyo akomeye kandi akeye

1

Abashakashatsi n’abahanga mu bijyanye n’ubuvuzi bw’amenyo bagaragaje ihuriro riri hagati y’ubuzima bw’amenyo nubw’umubiri wose muri rusange, niyo mpamvu amenyo agomba kurindwa kugirango akomeze kugira ubuzima buzira umuze.

Nkuko tubikesha urubuga rwa santemagazine, hari uburyo 4 bworoheje wakoresha kugirango ukomeze kurinda amenyo yawe.

1.Gukoresha umuheha

Niba ukunda kunywa ibinyobwa birimo acide nk’amazi arimo indimu, umutobe w’amacunga ndetse na soda benshi bazi ku izina rya Fanta, jya ukoresha umuheha mu rwego rwo kurinda amenyo kwangirika.

2.Kurya indyo yuzuye

Mu ifunguro ryawe rya buri munsi jya ugerageza kurya indyo yuzuye ikungahaye kuri proteines na calcium. Jya ukunda Kurya imboga n’imbuto byinshi wirinde kurya ibintu bifite isukari nyinshi kuko isukari ubwayo yangiza amenyo,ibi na byo bigufasha kugira amenyo ameze neza.

3.Amacandwe.

Burya amacandwe agira uruhare runini mu kurinda amenyo, ayarinda acide ishobora kuyangiza. u gukora ayo macandwe ushobora kubikora ukanja neza ibiryo byose uriye ndetse no kurya chewing-gum(shikarete) itarimo isukari, ibi bizagufasha guhorana amacandwe mu kanwa azarinda amenyo yawe kwangirika.

4.Gusukura bihagije mu kanwa.

Koza amenyo gusa ntibihagije kuko bitica microbes zose, ahubwo numara koza amenyo jya ugerageza ufate ikiyiko cya bicarbonate de soude uyivangire mu kirahure cy’amazi uyajundike iminota nyuma yo koza amenyo hanyuma uyacire, ibi bizagufasha kugira amenyo akomeye kandi ameze neza.

Yisangize Inshuti.

Ibitekerezo 1

Tanga Igitekerezo