IBINDI

Nyuma y’iminsi 14 bafungiye mu bwato kubera Coronavirus, barekuwe

Yanditswe

kuwa

na

Makuruki
Nyuma y’iminsi 14 bafungiye mu bwato kubera Coronavirus, barekuwe

Abagenzi ba mbere babarirwa mu magana basanzwe nta bwoko bushya bwa coronavirus barwaye, batangiye kuva mu bwato buparitse ku cyambu mu Buyapani, nyuma yo kumara iminsi 14 mu kato.

Abagera kuri 542 mu bagenzi n’abakozi bo mu bwato Diamond Princess banduye iyi virusi izwi nka Covid-19 ni bo benshi bamaze kuyandura bo hanze y’Ubushinwa.

Abagenzi bavuze ukuntu babaye mu buzima bugoye bwo gushyirwa mu kato muri ubwo bwato kuva mu ntangiriro y’uku kwezi kwa kabiri.

Ibihugu byinshi biri guhungisha abaturage babyo bari muri ubwo bwato, mu gihe umubare w’abandura ukomeza kwiyongera.

Ku cyumweru, Leta Zunze Ubumwe z’Amerika zakuye muri ubwo bwato abaturage babwo babarirwa muri za magana, zibashyira mu kato.

Ubwongereza bwavuze ko bwizeye muri iki cyumweru gushyira mu ndege bugatahura abaturage babwo 74 bari mu bwato Diamond Princess.

Umugore n’umugabo bakomoka mu Bwongereza bari muri ubwo bwato bamaze igihe baha amakuru abanyamakuru ndetse banayatangaza ku mbuga nkoranyambaga k’ukuntu ibintu bimeze mu bwato bemeje kuri uyu wa gatatu ko bapimwe bagasanga baranduye iyo virusi.

Amerika, Canada, Australia n’Ubwongereza bizashyira abakuwe muri ubwo bwato mu kandi kato k’iminsi 14 ubwo bazaba bageze iwabo.

Covid-19 - nkuko indwara iterwa n’ubu bwoko bushya bwa coronavirus yitwa - ubu imaze kwica abantu 2,004 mu Bushinwa, nkuko bikubiye mu mibare mishya ya leta yatangajwe kuri uyu wa gatatu.

Abantu 74,185 bamaze kwemezwa ko bayirwaye mu Bushinwa, n’abandi bagera hafi kuri 700 bayirwaye mu bindi bihugu.

Kuri uyu wa gatatu Hong Kong yatangaje ko umugabo w’imyaka 70 wari urwaye n’izindi ndwara yabaye umuntu wa kabiri yishe aha muri Hong Kong. Ubufaransa, Ubuyapani, Philippines na Taiwan, buri hamwe hapfuye umuntu yishwe n’iyo virusi.

Ku wa mbere, Ubushinwa bwatangaje ubushakashatsi bwakorewe ku barenga 44,000 bemejwe ko barwaye iyo virusi, bwagaragaje ko umubare munini w’abo yica baba ari abasanzwe barwaye izindi ndwara n’abageze mu zabukuru.

Abari kuva mu bwato biri kubagendekera gute?

Hafi abantu 500 basanzwe badafite iyo virusi kandi bakaba nta kimenyetso na kimwe cyayo bagaragaza, bitezwe kuva mu bwato Diamond Princess buri ku cyambu cya Yokohama kuri uyu wa gatatu, abandi bakazabuvamo mu minsi iri imbere.

Ubwo bwato bwari butwaye abantu 3,700 bose hamwe.

Bazemererwa gusubira mu buzima bwabo busanzwe, ariko bazakomeza kubazwa amakuru mu minsi myinshi iri imbere hagenzurwa ubuzima bwabo, nkuko bitangazwa na minisiteri y’ubuzima mu Buyapani.

Abatagaragaweho iyo virusi ariko babanye mu gice kimwe n’abanduye muri ubwo bwato, bagomba kuguma mu bwato mu kindi gihe cy’inyongera cyo gushyirwa mu kato.

Abo bagenzi baturuka mu bihugu birenga 50, ari nayo mpamvu hari impungenge ko ubwo bwato bushobora kuba isoko nshyashya y’ubwandure bw’iyo virusi ku isi.

IBITEKEREZO

Tanga igitekerezo


Kwamamaza New article No21181
Kwamamaza New article No21181
Kwamamaza