IBINDI

Kenya yasubije muri Tanzania abanyamahanga 182 banduye coronavirus

Yanditswe

kuwa

na

Bikorimana Alexis
Kenya yasubije muri Tanzania abanyamahanga 182 banduye coronavirus

Minisiteri y’Ubuzima muri Kenya yatangaje ko yasubije inyuma abanyamahanga basaga 180 banduye icyorezo cya COVID-19, binjiraga muri iki gihugu banyuze ku mipaka itandukanye ihuza iki gihugu na Tanzania

Muri abo basanzwe baranduye, 126 binjiye muri Kenya banyuze ku mupaka munini wa Namanga, mu gihe abandi bapimiwe ku mipaka ine ihuza ibi bihugu byombi. Kugeza ubu, ubwenegihugu bw’aba banyamahanga ntiburatangazwa.

Kuwa gatandatu w’icyumweru gishize nibwo Perezida wa Kenya Uhuru Kenyatta yatangaje ko imipaka ihuza iki gihugu na Tanzania, kimwe na Somalia ifunzwe kubera abinjiraga muri iki gihugu biyongeraga ku kigero cyo hejuru.

Kuri uyu wa kabiri, Minisitiri w’Ubuzima, Mutahi Kagwe yatangaje ko iki gihugu kizajya cyakira umuntu uturutse hanze ari uko yerekanye icyangombwa kigaragaza ko atanduye COVID-19.

Yongeyeho ko n’abashoferi b’amakamyo bagomba kujya bava muri Kenya ari uko bamaze guhabwa icyo cyangombwa, ku buryo no mu bindi bihugu babyerekana bakabakira batabishisha.

Kugeza ubu igihugu cya Kenya gifite abantu 1,029 banduye COVID-19, abagera kuri 50 barapfuye, mu gihe 366 bavuwe bagakira.

Abamaze kwandura iki cyorezo ku isi bageze kuri 5,016,742 mu gihe kimaze guhitana 325,556 abagera kuri 1,979,654 baravuwe barakira.

IBITEKEREZO

Tanga igitekerezo


Kwamamaza New article No21181
Kwamamaza New article No21181
Kwamamaza