New article No21746

IBINDI

Abaminisitiri benshi barimo Riek Machal banduye COVID-19 muri Sudani y’Epfo, umubare w’abanduye ugera kuri 481

Yanditswe

kuwa

na

Bikorimana Alexis
Abaminisitiri benshi barimo Riek Machal banduye COVID-19 muri Sudani y’Epfo, umubare w’abanduye  ugera kuri 481

Imibare y’abamenyekanye banduye coronavirus muri Sudani y’Epfo yikubye hafi kabiri igera kuri 481 mu ijoro ryakeye, ni nyuma y’uko mu masaha 24 habonetse abantu bashya 140 bayanduye.

Amakuru avuga ko abagize guverinoma bagera ku munani (8) babasanzemo iki cyorezo.

Kugeza ubu batatu muri bo baratangajwe, abo ni; visi perezida, minisitiri w’umutekano na minisitiri w’itangazamakuru.

Bose bari mu bagize itsinda ryihariye rya guverinoma ryo kurwanya Covid-19 riyobowe na Perezida Salva Kiir wungirijwe na Visi Perezida Riek Machar.

Perezida Salva Kiir yabonanye n’iri tsinda mu mpera z’icyumweru gishize ariko nta kiratangazwa niba nawe yarapimwe n’uko ahagaze.

Uyu munsi kuwa kane hateganyijwe inama y’abaminisitiri ariko nta muntu uzi abari buyitabire.

Ejo kuwa gatatu , Salva Kiir yandikiye ibaruwa umwungirije, Riek Machar amwifuriza gukira vuba we n’abandi bagize ririya tsinda banduye Covid-19.

Sudani y’Epfo yahise iba igihugu cya gatatu mu karere ka Afurika y’Iburasirazuba gifite umubare munini w’abanduye, nyuma ya Kenya ifite abantu 1,029 na Tanzania ifite 509.

Ibindi bihugu byo muri aka karere, umubare nturazamuka cyane, aho igihugu cy’u Rwanda gifite abantu 314 banduye, Uganda ifite abantu 264 mu gihe u Burundi bufite abantu 42.

Leta Zunze Ubumwe za Amerika nicyo gihugu cyugarijwe cyane n’iki cyorezo aho abagera kuri 1,593,039 bamaze kwandura, 94,941 barapfuye, mu gihe 370,812 bamaze kuvurwa bagakira.

Abantu 5,100,912 nibo bamaze kwandura iki cyorezo ku isi, abagera ku 329,896 barapfuye mu gihe abantu 2,033,488 bavuwe bagakira.

IBITEKEREZO

Tanga igitekerezo


Kwamamaza New article No21181
Kwamamaza New article No21181
Kwamamaza