IBINDI

Nigeria igiye kwifashisha imiti ivura Malaria mu gukingira COVID-19

Yanditswe

kuwa

na

Bikorimana Alexis
Nigeria igiye kwifashisha imiti ivura Malaria mu gukingira COVID-19

Leta ya Nigeria yatangaje ko igiye gutangira kugerageza imiti yifashishwa mu kurwanya Malaria bagamije kurandura icyorezo cya COVID-19.

Komiseri w’Ubuzima mu mujyi wa Lagos yavuze ko abaganga n’abandi bantu bafite aho bahuriye n’abagaragayeho icyorezo cya COVID-19 bagiye kujya bahabwa chloroquine cyangwa a placebo mu buryo bwo kubakingira kwandura iki cyorezo.

Iki gihugu kigiye gukora iri gerageza ku nshuro ya kabiri bafatanyije n’ishami ry’umuryango w’abibumbye ryita ku buzima (OMS), kandi ngo ibizavamo bizatangazwa bitarenze mu mezi abiri gusa.

Mu ntangiriro z’iki cyumweru, Perezida wa Amerika Donald Trump yateje impaka ubwo yatangazaga ko ari kunywa imiti irwanya malaria ya hydroxychloroquine kandi yari yabwiwe ko iyo miti itizewe ishobora guteza ibindi bibazo ku buzima.

OMS isaba abantu ku giti cyabo kudakora igerageza ry’imiti ishobora kubarinda COVID-19 kuko hari ishobora kugira ingaruka zikomeye ku buzima bwabo.

Chloroquine ntabwo iremezwa nk’umuti cyangwa urukingo rwa COVID-19 kuko ishobora guteza ikibazo cy’umutima.

Nigeria ni kimwe mu bihugu bifite abanduye benshi muri Afurika, aho bagera ku 7,016 abagera kuri 211 barapfuye mu gihe abavuwe bagakira ari 1,907.

Abantu 5,199,016 bamaze kwandura icyorezo cya COVID-19, abagera kuri 334,698 barapfuye mu gihe 2,085,024 bavuwe bagakira.

IBITEKEREZO

Tanga igitekerezo


Kwamamaza New article No21181
Kwamamaza New article No21181
Kwamamaza