Umutariyani Carlo Lissi w’ imyaka 31 y’ amavuko yishe umugore we w’ isezerano witwa Crisina Omes w’ imyaka 38 n’ abana 2 babyaranye kubera ko yarari mu rukundo nundi mugore, maze ajya kwirebera umupira w’igikombe cy’isi wahuzaga ikipe y’igihugu cye n ’Ubwongereza hamwe n’ inshuti ze.
Umurambo w’uyu nyakwigendera Cristina Omes,ndetse ni y’abana be 2 Giulia w’imyaka 5 y’amavuko na Gabriele w’umwaka 1 n’amezi 8 y’amavuko bayisanze iwabo mu rugo aho bari batuye, ikindi iyi mirambo nuko yarifite ibikomere yose nk’uko Polisi ya hariya mu gihugu cy’ubutaliyani yabitangaje.
Ubuyobozi bwa polisi ya hariya, buvuga ko aba bantu bishwe mu ijoro ryo kuwa gatandatu. Carlo Lissi akimara gukora ayo mahano mu ma saa tanu n’igice z’ijoro nibwo yahise afata inzira yerekeza aho yagiye kurebera umupira, nk’uko polisi ibitangaza ngo imbunda yaramaze kubicisha yatoraguwe mu nzira maze igezwa kuri polisi batangira gukora iperereza.
Uyu mugabo Lissi avuga ko icyamuteye kwica izi nzirakarengane ari ukubera yari afite undi mugore bari mu rukundo kandi ashaka ko barushingana ariko akabona aba bandi bamuvangira nuko ahitamo kubivugana.
Umukino ukaba wararangiye Ikipe y’ Ubutariyani itsinze Abongereza ibitego 2 – 1