Ikipe ya Real Madrid yo muri Espagne yaraye itwaye igikombe cy’amakipe yabaye aya mbere iwayo ku mugabane w’u Burayi (Champions League) ku nshuro ya 10.
Real Madrid ibigezeho imaze gutsinda Atletico Madrid ibitego 4-1 nayo yo muri zombi Espagne, mu ijoro ryo kuri uyu wa 24 Gicurasi 2014, kuri Sitade ya Estadio da Luz in Lisbon yo muri Portugal .
Atletico Madrid yatsinze igitego kimwe cya Diego Godin ku munota wa 36 w’igice cya mbere.
Ibitego 4 bya Real Madrid byatsinzwe na Serigio Ramos ku munota wa 93 w’umukino, icya kabiri gitsindwa na Gareth Bale ku munota wa 110, Marcelo yaje gutsinda igitego cya 3 ku munota wa 118 naho icya 4 gitsindwa na Cristiano Ronaldo ku munota wa120.
Muri uyu mukino Diego Cotsa yavuye mu kibuga kubera ikibazo cy’imvune asimburwa na Adrian ku munota wa 9.
Ni umukino waranzwe no gusatira ku mpande zombi, ariko biza kurangi Real Madrid yegukanye igikombe.
Ni ku nshuro ya 59 iri rushanwa ribaye ku mugabane w’u Burayi.
Real Madrid yageze ku mukino wa nyuma isezereye Bayern Munich yo mu Budage, mu gihe Atleco Madrid yo yari yatsinze Chelsea yo mu Bwongereza.
Ikipe ya Real Madrid imaze kugera ku mukino wa nyuma wa Champions League inshuro 14.
Ikipe ya Atleco Madrid yageze yaherukaga gukina umukino wa nyuma wa Champions League mu myaka mirongo ine ishize.
Mu mwaka ushize Bayern Munich niyo yegukanye irushanwa rya Champions League.
