Mu ngoro y’inteko ishingamategeko y’u Rwanda harabera umuhango wo kurahirira inshingano ku badepite 80 bagize inteko ishingamategeko muri Manda iyi manda y’imyaka 5 ndetse na Minisitiri w’intebe waraye ashyizweho.
Muri uyu muhango uyoborwa na Nyakubahwa Perezida wa Repubulika Paul Kagame Minisitiri w’intebe urahira ni Dr Edouard Ngirente mu gihe abadepite barahira ari 80.
Abadepite 80 bagiye kurahira barimo 53 batowe mu matora ataziguye, aho biyamamaje binyuze mu mitwe ya politiki babarizwamo cyangwa abantu ku giti cyabo.
Barimo kandi 24 batowe bahagarariwe imyanya 30% yagenewe abagore mu Nteko, hakaba babiri (umukobwa n’umuhungu) batowe bahagarariye urubyiruko ndetse n’umwe uhagarariye abantu bafite ubumuga.
