Mu gitero cyagabwe kuri iki cyumweu n’abarwanyi ba Boko Haram ku mujyi wa Kolofata uri mu majyaruguru ya Cameroon hafi y’umupaka na Nijeriya, ubuyobozi bwa Cameroon buratangaza ko umugore w’uwungirije Minisitiri w’Intebe yashimuswe hamwe n’abandi baturage benshi.
Related posts
Leta ya Cameroon yahise yohereza ingabo nyinshi ku mupaka guhangana na Boko Haram
Uwo mugore wa Ahmadou Ali, wungirije Minisitiri w’Intebe bamusanze mu rugo ,ubwo abashinzwe kurinda Amadou bageragezaga kumuhungisha.
Umwe mu bashinzwe igisirikari Col .Nji Formekong yavuze ko bashoboye guhungisha Ahmadou ariko umugore we bakamushimuta.Yagize ati: “Bamwe bagerageje gushimuta umugore wa Ahmadou, ubwo abashinzwe kurinda Ahmadou bari bari kumukura mu mujyi bamujyana Mora.”
Formekong yavuze ko imirwano igikomeje mu mujyi wa Kolofata hagati y’inyeshyamba za Boko Haram n’igisirikari cya Leta.
Abantu benshi bamaze guhitanwa na Boko Haram ndetse mu kwezi kwa kane yashimuse abakobwa barenga 270 b’abanyeshuri mu majyaruguru ya Nijeriya.
