Mu murenge wa Gahengeri mu karere ka Rwamagana ahakunze kwitwa mu kabuga ka Musha imodoka itwara abantu muri rusange ya Ruhire Express yagonze umugenzi wagendaga ku igare ahita ahasiga ubuzima.
Iyi mpanuka yabaye mu ijoro ryakeye kuri uyu wa 09 Kamena 2014 ku muhanda wa Kigali – Rwamagana. Uwayiguyemo ni umugabo wari utwaye iri gare.
Ibaye nyuma y’umunsi umwe Polisi y’u Rwanda yongeye gusaba abashoferi kwitwararika mu muhanda mu gihe batwaye ibinyabiziga.
Ntibiramenyekana neza icyateye iyi mpanuka, gusa abatuye aha i Musha bavuga ko imodoka zitwara abantu benshi zihaca zihuta cyane.
Iyi niyo modoka yamuhitanye
Bamwe mu bashoferi batwara imodoka rusange banengwa cyane n’abagenzi kubatwara ikubagahu biruka cyane, cyane cyane mu ijoro no mu gitondo kare aho abapolisi baba bataragera cyangwa bavuye mu muhanda.
Umuseke.rw
