Ku gicamunsi cyo kuri uyu wa 24 Nyakanga nibwo bamenyekanye amakuru ko abantu 8 bagwiriwe n’ikirombe gicukurwamo amabuye y’agaciro mu karere ka Rulindo.
Inzego zitandukanye zahise zihutira gutabara ndetse zikuramo abari bakiri bazima none umuntu wa nyuma witabye Imana yabonetse kuri uyu wa Gatanu.
Abaturage umunani bati basanzwe bakora muri icyi kirombe nibo bagwiriwe nacyo. Batanu muri bo bahise bitaba Imana mu gihe abandi batatu bakomeretse.
Abakomeretse kugeza ubu bari kwitabwaho ku Bitaro bya Rutongo nabyo biri muri aka karere ka Rulindo.
Icyo kirombe giherereye mu Murenge wa Cyinzuzi. Gihitanye abacukuzi mu gihe ubundi bitamenyerewe. Kuko impanuka nk’izi zari zisanzwe ziba mu bihe by’imvura.
