Umunyarwanda Tito Barahira wahamijwe ibyaha bya Jenoside yakorewe abatutsi mu 1994 agakatirwa igifungo cya burundu yapfiriye mu Bufaransa.
Mu mwaka wa 2016 nibwo urukiko rwo mu Bufaransa rwa Paris’ Cour d’Assises rwahaye Tito Barahira na Octavier Ngenzi igihano cyo gufungwa burundu nyuma yo kubahamya Jenoside n’ibyaha byibasiye inyokomuntu.
Tito Barahira wari ufungiye mu Bufaransa yapfuye afite imyaka 72 y’amavuko.
Barahira Tito na Ngenzi Octavien bahamijwe n’urukiko uruhare mu rupfu rw’abatutsi barenga 1200 bari bahungiye kuri kiriziya ya Kabarondo.
Mu mwaka wa 2019 bajuririye ibihano bahawe n’urukiko mu 2016 ariko bongera guhamywa ibyaha n’urukiko rw’ubujurire.
