Minisiteri y’ibikorwaremezo yatangaje ko Imirimo yo kubaka umuhanda wa kaburimbo Ngoma-Ramiro, ureshya n’ibilometero 52.8, igeze kuri 55%.
Uyu ni umuhanda uzahuza akarere ka Bugesera n’akarere ka Ngoma twombi two mu Burasirazuba bw’u Rwanda. Uzahita kandi uhura n’undi ukomeza uhuza akarere ka Bugesera n’aka Nyanza mu majyepfo y’u Rwanda unyuze ahitwa ku Ruhuha – Gasoro na Rwabusoro.
Iyi ni imihanda byitezwe ko izoroshya ubuhahirane hagati y’u turere two mu majyepfo no mu burasirazuba. Abayikoresha batagombye guca muri Kigali nk’uko byari hisanzwe bigenda.
Umuhanda wa kaburimbo Ngoma Ramiro watangiye kubakwa kuva m’Ukwakira 2021,uteganyijwe kurangira m’Ukwakira k’uyu mwaka wa 2024, utwaye amafaranga y’u Rwanda miiyari 64.
