Guverinoma y’u Rwanda yatangaje ko inama ya 19 y’umushyikirano izaba tariki ya 23 kugeza 24 Mutarama 2024, iyi nama ikazarebera hamwe aho Igihugu kigeze mu nzego zitandukanye mu mibereho myiza y’Abanyarwanda.
Mu itangazo ryashyizwe hanze na Guverinoma kuri uyu wa gatandatu rikomeza rigira riti “
Uyu mwaka Inama y’Igihugu y’Umushyikirano izasuzuma aho Igihugu kigeze mu kuzamura imibereho myiza y’Abanyarwanda no gushaka ibisubizo by’ibibazo byagaragaye.”
Iyi nama kandi izaba umwanya mwiza wo kurebera hamwe urugendo rw’ubumwe n’ubudaheranwa by’Abanyarwanda mugihe u Rwanda rwitegura kwibuka ku nshuro ya 30, ndetse no guha urubyiruko ubushobozi bukenewe kugirango rukomeze kuba ku isonga mu iterambere rirambye”
Iyi nama y’Umushyikirano ya 19 ni iya kabiri ibaye nyuma yaho yamaze imyaka itatu idashobora kuba kubera icyorezo cya Covid-19. Yaherukaga kuba umwkaa ushize muri Gashyantare 2023 aho yabereye muri Kigali Convention Center.
Inama y’igihugu y’umushyikirano itaganywa n’itegeko nshinga, itumizwa na Perezida wa Repubulika, igahuza Abanyarwanda bose, baba abari mu gihugu n’abaturuka hanze yacyo, kandi ikitabirwa n’inzego zose z’ubuyobozi bw’Igihugu.
