OpenAI, Ikigo cy’abanyamerika cyakoze ChatGPT, cyamuritse Application nshya yiswe ‘Sora’ izifashishwa mu gukora ‘video’ ngufi zitarengeje umunota umwe, ikazikora mu buryo bugezweho.
Iyi application izajya ihabwa inyandiko iyigendereho ikora video, ihabwe ifoto iyibyazemo video cyangwa se yongere uburebure bwa video ngufi yahawe.
Muri rusange ntabwo abantu baratangira gukoresha iyo application. Umuyobozi Mukuru wa OpenAI, Sam Altman, yatangaje ko bahaye uburenganzira abantu bake ngo bayikoreshe mu isuzuma ry’imikorere yayo.
Sora ntabwo ari ryo koranabuhanga rikora amashusho gusa kuko Google, Meta na Runway ML ari bimwe mu bigo bifite ikoranabuhanga nk’iri.
