Umukinnyikazi wa filime ukomoka muri Kenya, Lupita Nyong’o, yaraye akoze amateka yo kuba umuyobozi wa mbere w’umwirabura wayoboye abacamanza bagize iserukiramuco mpuzamahanga rya filime risanzwe ribera mu mujyi mukuru w’u Budage, Berlin.
Ni ibirori ngarukamwaka byerekana amafilime, bizwi nka ‘Berlinale’, ni umwe mu maserukiramuco atanu ya mbere ku isi akomeye.
Mu myaka 74 ibi birori bimaze biba, nta mwirabura wari wakayoboye cyangwa ngo ajye mu kanama nkemuramaka ka byo.
Ni ibirori bizakomeza kugeza ku ya 25 Gashyantare 2024, ari na cyo gihe inteko y’abacamanza izatangaza filime zatsinze mu byiciro bitandukanye.
