Urwego rw’igihugu rw’Ubugenzacyaha (RIB) rwatangaje ko kuva mu 2019 kugeza mu 2023 rwakurikiranye ibirego 3 563 by’ibyaha bifitanye isano ya Jenoside yakorewe Abatutsi mu 1994.
RIB ishyira ibi byaha mu byiciro bitatu birimo: Ingengabitekerezo ya Jenoside, guhakana Jenoside no gupfobya Jenoside.
Ku cyaha cy’ingangabitekerezo ya Jenoside, RIB ivuga ko yakurikiranye ibirego 128 mu mwaka wa 2019, ibirego 69 mu mwaka wa 2020, ibirego 88 mu mwaka wa 2021, ibirego 56 mu 2022 na 87 mu mwaka wa 2023.
Ku cyaha cyo guhakana Jenoside, RIB yakurikiranye ibirego 24 mu mwaka wa 2019, ibirego 11 mu mwaka wa 2020, 12 mu mwaka wa 2021, Ibirego 14 mu mwaka wa 2022 n’ibirego 11 mu mwaka wa 2023.
Ku cyaha cyo gupfobya Jenoside, RIB yerekana ko yakurikiranye ibirego 51 mu 2019,ibirego 26 mu 2020, ndetse na 26 mu mwaka wa 2021, ibirego 18 mu mwaka wa 2022 ndetse n’ibirego 25 mu mwaka wa 2023.
Muri ibi birego byose kandi umubare munini w’abakurikiranywe ni ababashije kwiga amashuri abanza yonyine bangana na 57.3% by’abakurikiranywe bose. Abatarabashije kugera mu ishuri bangana na 31.9%.
Umuvugizi wa RIB, Dr Murangira Thierry yemeza ko uko imyaka igenda ishira ariko abakora ibi byaba bagenda bagabanya ibikorwa by’ubugome ahubwo ngo ibyaha byinshi muri ibi biri gukorerwa mu magambo.
